Patruşev: NATO ölkələri Rusiyanın məğlubiyyətinə və bölünməsinə çalışırlar

İstanbul, 27 mart, SalamNews. "NATO ölkələri Ukraynadakı münaqişədə tərəfdir".

SalamNews xəbər verir ki, bunu Rusiya Təhlükəsizlik Şurasının katibi Nikolay Patruşev "Rossiyskaya qazeta"ya müsahibəsində bildirib.

"Əslində NATO ölkələri münaqişənin tərəfləridir. Onlar əsas məqsədlərini gizlətmirlər, bu hərbi münaqişəni mümkün qədər uzatmağa - Rusiyanın döyüş meydanında məğlubiyyətinə və bölünməsinə çalışırlar", - o əlavə edib.

Patruşev bildirib ki, NATO ölkələri Ukraynanı böyük bir hərbi düşərgəyə çeviriblər: “Onlar Ukrayna qüvvələrinə silah və sursat, eləcə də pilotsuz uçuş aparatlarından və peyklərdən istifadə etməklə məlumat göndərirlər. NATO təlimatçıları və məsləhətçiləri Ukrayna qoşunlarına təlimlər keçirir".