Qanunsuz ov edən əcnəbi cəzalandırılıb

23 fevral, SalamNews. Dövlət Ekoloji Təhlükəsizlik Xidmətinin əməkdaşları keçirdikləri növbəti nəzarət tədbirləri zamanı Saatlı rayonu ərazisində qanunsuz ov edən əcnəbi vətəndaşı saxlayıb.

Xidmət rəsmisi Bəhruz Məhəmmədov SalamNews-a bildirib ki, araşdırma zamanı qanunsuz ov edən şəxsin Küveyt vətəndaşı Khaled Alrasheedi olduğu müəyyən edilib.

Faktla bağlı təqsirkar şəxs barəsində qanunamüvafiq tədbir görülüb.