Ərdoğan: Axtarış-xilasetmə əməliyyatları lazımi sürətlə aparılmır

Bakı, 10 fevral, SalamNews. "Axtarış-xilasetmə əməliyyatları lazımi sürətlə aparılmır".

Sputnik.az xəbər verir ki, bunu Türkiyə Prezidenti Rəcəb Tayyib Ərdoğan Aydıyamanda çıxışı zamanı deyib.

Onun sözlərinə görə, əsas prioritet insan amilidir: "İndiyədək 94 müxtəlif ölkədən dəstək təklifi gəlib. Əcnəbi və yerli mütəxəssislər axtarış-xilasetmə tədbirlərini davam etdirirlər. Təəssüf ki, axtarış-xilasetmə tədbirləri lazımi qədər sürətlə davam etmir”.

“İndi əsas problem kənardan gələn maşınların yaratdığı tıxacdır”, - Ərdoğan bildiib. O deyib ki, yardım kampaniyası koordinasiyalı şəkildə həyata keçirilməlidir: “AFAD-ın hesablarına köçürülən məbləğlər bütünlüklə zəlzələdən zərərçəkmişlərə ayırılacaq. Buna şübhəniz olmasın".

Ərdoğanın sözlərinə görə, artıq lazımi təlimatlar verilib: “Yenidənqurma işləri sürətlə başlayacaq. Bir tərəfdən də dağıntıları aradan qaldırmağa çalışırıq".