Sudan və İsrail əlaqələrin normallaşdırılması üçün ilkin razılıq əldə ediblər

Bakı, 3 fevral, SalamNews. Sudan və İsrail cari ildə əlaqələrin normallaşdırılması və rəsmiləşdirilməsi üçün ilkin razılıq əldə ediblər. Tərəflər bu məqsədlə addımlar atacaqlarını bildiriblər.

SalamNews Əlcəzirə telekanalına istinadən xəbər verir ki, bu barədə, İsrailin xarici işlər naziri Eli Kohenin dünən Sudana səfərində ilkin razılıq əldə edilib.

Həmçinin Sudanın Xarici İşlər Nazirliyi bu səfərlə bağlı bəyanat yayıb.

Bəyanatda bildirilib ki, İsrailin XİN rəhbəri ilə Sudanın Ali Suverenlik Şurasının sədri general Əbdülfəttah əl-Burhanla görüşdə cari ildə əlaqələrin normallaşdırılması üçün müştərək addımların atılması ilə bağlı razılıq əldə edilib.

Sudanın bu addımı ərəb dünyasında, habelə ölkə daxilində etirazlarla qarşılanıb.