Lavrov Pakistanın xarici işlər naziri ilə ticarət-iqtisadi əlaqələri və beynəlxalq məsələləri müzakirə edəcək

Bakı, 30 yanvar, SalamNews. Rusiyanın xarici işlər naziri Sergey Lavrov bazar ertəsi Pakistanın xarici işlər naziri Bilaval Bhutto Zərdari ilə danışıqlar aparacaq. 

SalamNews-un "TASS" istinadla verdiyi xəbərə görə, diplomatlar Moskvada görüşəcəklər. 

Bu, pakistanlı nazirin sözügedən vəzifəyə təyin edildikdən sonra Rusiyaya ilk səfəridir. Zərdari aprelin sonunda Pakistanın xarici işlər naziri kimi and içib. Daha sonra diplomat tezliklə Moskvaya səfər edəcəyinə və Rusiya Federasiyası ilə münasibətlərdə müsbət tendensiyanın saxlanacağına ümid etdiyini bildirdi. Onun sözlərinə görə, bu, təkcə Pakistanın milli maraqlarına cavab vermir, həm də regionda sülh və sabitliyə töhfə verir. 

Rusiya Xarici İşlər Nazirliyinin məlumatına görə, nazirlər ikitərəfli münasibətlərin vəziyyətini, regional və beynəlxalq məsələləri müzakirə edəcəklər. 

Rusiya Xarici İşlər Nazirliyinin rəsmi nümayəndəsi Mariya Zaxarova bir müddət əvvəl bildirmişdi ki, ticarət-iqtisadi əlaqələrin inkişafına xüsusi diqqət yetiriləcək.

Nazirlərin görüşü Rusiya və Pakistan şirkətlərinin İslam Respublikasına enerji təchizatı ilə bağlı yerdə qalan bütün məsələlərin həlli istiqamətində işlərin fəal şəkildə görülməsi fonunda keçirilir.