|
Suriya-İraq sərhədində İran yük maşınlarına hava zərbələri endirilib30 Yanvar 2023, 09:32 (GMT +4) Bakı, 30 yanvar, SalamNews, S.Bağırov. İraq-Suriya sərhədində Bu-Kamal sərhəd məntəqəsində İrana məxsus yük maşınları PUA-ların hücumuna məruz qalıb.
SalamNews bu barədə əl-Məyadin telekanalına istinadən xəbər verir.
Bildirilib ki, ötən gecə Bu-Kamalda İrandan Suriyaya ərzaq aparan 25 yük maşınından ibarət karvan naməlum PUA-ların hücumuna məruz qalıb.
Məlumata görə, yük maşınlarının üçü hava zərbələri nəticəsində yanıb.
Bu hücumda xəsarət alan olmayıb.
Hücumun İsrail tərəfindən həyata keçirildiyi təxmin edilir.
|
RU
AZ
