ABŞ: Səudiyyə Ərəbistanı ilə əlaqələrə yenidən baxırıq

Bakı, 28 yanvar, SalamNews, S.Bağırov. “Səudiyyə Ərəbistanı ilə əlaqələrə yenidən baxırıq, lakin bu əlaqələri kəsmək anlamına gəlmir.”

SalamNews xəbər verir ki, Ağ Evin Milli Təhlükəsizlik Şurasının sözçüsü Con Kirbi bu barədə açıqlama verib.

O deyib: "Bu addım, bizim maraqlarımıza uyğun olduğuna əmin olmaq üçün əlaqələri nəzərdən keçirməkdir, lakin bu, onu kəsmək deyil".

Bundan öncə ABŞ Dövlət Departamentinin sözçüsü Vedant Patel Səudiyyə ilə münasibətlərə toxunaraq deyib ki, Birləşmiş Ştatlar “OPEC+”un neft hasilatını azaltmaq qərarına cavab olaraq qüvvələrini geri çəkməyi və Səudiyyə Ərəbistanı ilə hərbi əməkdaşlığı kəsməyi hələ planlaşdırmır.

Krallıqla münasibətlərə yenidən baxmaq məsələsinin gündəmə gəlməsi, bir qrup ABŞ qanunvericisinin neft hasilatını azaltmaq qərarına cavab olaraq Səudiyyə Ərəbistanı və BƏƏ-dən ABŞ qüvvələrinin çıxarılmasını nəzərdə tutan qanun layihəsini təqdim etmək qərarından sonra baş verir.