ABŞ Ordusu Suriyadakı qərargahına edilən hücumun detallarını açıqlayıb

Bakı, 20 yanvar, SalamNews, S.Bağırov. ABŞ Ordusu Suriya-İordaniya-İraq sərhədində yerləşən əl-Tənif bölgəsindəki qərargahına üç PUA ilə hücum edildiyini bildirib.

SalamNews xəbər verir ki, bu barədə ABŞ Ordusunun Mərkəzi Komandanlığı (CENTCOM) tvitter səhifəsində məlumat yayıb.

Bildirilib ki, ABŞ Mərkəzi Komandanlığı verdiyi açıqlamada iki pilotsuz təyyarənin vurulduğunu, üçüncü pilotsuz təyyarənin isə qərargahda bir binaya düşdüyünü, iki “Azad Suriya Ordusu” əsgərinin yaralandığını bildirib.

Açıqlamada amerikalı əsgərlər arasında itki olmadığı təsdiqlənib.