ABŞ Ordusu Suriyanın şərqində İŞİD-in altı təhlükəli üzvünü ələ keçirdiyini bildirib

Bakı, 20 dekabr, SalamNews, S.Bağırov. “Qüvvələrimiz Suriyanın şərqində 48 saat ərzində üç əməliyyat həyata keçirib və bu əməliyyatlar zamanı altı İŞİD üzvü həbs edilib.”

SalamNews xarici mətbuata istinadən xəbər verir ki, bu barədə ABŞ Mərkəzi Komandanlığı CENTCOM bəyanat verib.

Bildirilib ki, ABŞ Ordusu qüvvələri Suriyanın şərqində son iki gün ərzində üç əməliyyat həyata keçirərək, ümumilikdə altı İŞİD üzvünü ələ keçirib.

“Saxlanılanlardan biri Suriyada İŞİD-in əməliyyatlara cavabdeh olan terrorçu komandirlərdəndir", deyə bəyanatda əlavə edilib.

Qeyd edək ki, ABŞ və onun dəstəklədiyi separatçı kürd bölmələri 2014-cü ilin yayından bölgədə İŞİD-ə qarşı əməliyyatlar adı altında Fəratın şərqini zəbt edib.