İordaniyada yanacağın bahalaşması ilə bağlı etiraz və iğtişaşlarda ölənlər var

Bakı, 16 dekabr, SalamNews, S.Bağırov. İordaniyada yanacağın bahalaşmasından sonra başlayan etirazlar bəzi bölgələrdə iğtişaşlara keçib. Təhlükəsizlik qüvvələrindən ölən və yaralananlar var.

SalamNews əl-Cəzirə telekanalına istinadən xəbər verir ki, İordaniyanın cənubunda Məan əyaləti və əl-Huseyniyyə bölgəsində etirazlar və toqquşmalar daha kütləvi və şiddətli olub.

İordaniyanın Baş Prokurorluğundan verilən məlumata görə Məan əyalətində polis rəisinin müavini güllə yarasından həyatını itirib.

Hüseyniyyə məntəqəsində də təhlükəsizlik qüvvələrindən yaralananlar var.

İordaniyada yanacağın bahalaşmasına görə, nəqliyyat vasitələri, o cümlədən yük maşınları, avtobus və taksilər fəaliyyətini dyanadıraraq ümumi tətil elan ediblər. Hökumətin nəqliyyat vasitələri sürürcülərinə güzəştlər vəd verməsi etirazları səngitməyib.