Makron siyasi və iqtisadi böhranın hökm sürdüyü Livana gedir

Bakı, 15 dekabr, SalamNews, S.Bağırov. Fransa prezidenti Emanuel Makron cari ayın 24-də Livana rəsmi səfərə gedəcək.

SalamNews Sputnik Agentliyinə istinadən xəbər verir ki, bu barədə Livan hökuməti mənbələri məlumat veriblər.

Livanlı mənbələr, Fransa prezidenti Emmanuel Makronun dekabrın 24-də Beyruta səfər edəcəyini, parlamentin spikeri Nəbih Birri və müvəqqəti baş nazir Nəcib Miqati də daxil olmaqla bir sıra ölkə rəsmiləri ilə görüşəcəyini bildiriblər.

Əlavə edilib ki, Fransanın Beyrutdakı səfirliyi, Livan hökumətinə Makronun dekabrın 24-də, yəni yeni il tədbirləri fonunda səfər etmək qərarına gəldiyini bildirib.

Məlumata görə Makron bu ölkədə cari ayın 24-də reallaşacaq yeni il tədbirlərini Livanın cənubunda fransalı sülhməramlı qüvvələrlə birgə keçirmək niyyətindədir.