Britaniyanın İrandakı səfirliyinin divarlarına sərt tənqid şüarları yazılıb

Bakı, 9 dekabr, SalamNews, S.Bağırov. Ötən gecə naməlum şəxslər Britaniyanın Tehrandakı səfirliyinin divarlarına bu ölkəni sərt şəkildə tənqid edən şüarlar yazıblar.

SalamNews bu barədə İranın Tasnin İnformasiya Agentliyinə istinadən xəbər verir.

Bildirilib ki, ötən gecə naməlum şəxs ya şəxslər Britaniya Səfirliyini əhatəyə alan divarların üzərində bu ölkənin siyasətini tənqid edən sərt şüarlar yazaraq, səfirliyin bağlanılması və Britaniya diplomatlarının çıxarılmasını istəyiblər.

“İngiltərəyə ölüm”, “İngiltərə cəsusu ölkədən çıxarılmalıdır”, “Bura tətil edilməlidir”, “Separatçıların yuvası”, “BBC İngiltərənin İŞİD-idir”, “İngiltərə səfirliyi terrorçuların hamisi”, “Qoca tülkü”, “Cəsusu yuvası tətil edilməlidir”, “daimi düşmən” və sair kimi sərt şüarlar yazılıb.

Qeyd edək ki, İran son etiraz və iğtişaşlar fonunda Britaniya səfirini üç dəfə XİN-ə çağırıb. İran tərəfi mərkəzi Londonda yerləşən "BBC.Farsi", "İran İnternational", "Manoto" və sair televiziyaların iğtişaşlara, separatçılığa və xaosa çağırış etdiyini bildirir.