Azərbaycan və Türkiyə XİN başçıları Polşada görüşəcək

Bakı, 30 noyabr, SalamNews. Türkiyənin xarici işlər naziri Mövlud Çavuşoğlu azərbaycanlı həmkarı Ceyhun Bayramovla görüşəcək.

SalamNews xəbər verir ki, türkiyəli nazir bu barədə jurnalistlərə açıqlamasında bildirib.

O qeyd edib ki, görüş Polşada Avropada Təhlükəsizlik və Əməkdaşlıq Təşkilatının (ATƏT) Xarici İşlər Nazirləri Şurasının 29-cu iclası çərçivəsində baş tutacaq.

Xatırladaq ki, bu gün Ceyhun Bayramov Polşaya işgüzar səfərə yola düşüb.