FHN: Şirvanda avtomobil təmiri sexi yanıb

Bakı, 29 noyabr, SalamNews. Şirvan şəhərində avtomobil təmiri sexi yanıb.

SalamNews xəbər verir ki, bu barədə Fövqəladə Hallar Nazirliyi məlumat yayıb.

Bildirilib k, ümumi sahəsi 200 m² olan bir-birinə bitişik beş boksdan ibarət avtomobil təmiri sexinin sahəsi 40 m² olan boksunun dam örtüyünün taxta atmaları 6 m² sahədə, içərisində təmirə dayanan “Mercedes” markalı minik avtomobilinin salonu və mühərrik hissəsi yanıb.

Sexin və avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.