Almanların dörddə üçü Merkelin kansler postuna qayıtmasını istəmir

Bakı, 26 noyabr, SalamNews. Almaniya vətəndaşlarının əksəriyyəti (71%) Angela Merkelin Almaniya kansleri postuna qayıtmasının əleyhinədir. 

Bunu "Funke" media qrupunun sifarişi ilə "Civey" sosioloji institutunun keçirdiyi sorğunun nəticələri sübut edir. 

Eyni zamanda, Almaniya sakinlərinin 23%-i Merkelin yenidən ölkə hökumətinə başçılıq etməsini istəyir. Respondentlərin 6%-i müvafiq suala cavab verə bilməyib.

SalamNews “Gazeta.ru”ya istinadən xəbər verir ki, sorğunun nəticələrinə görə, iştirakçıların 43%-i hesab edir ki, Merkel kansler vəzifəsini Olaf Şoltsdan daha yaxşı yerinə yetirib. Respondentlərin 41%-i əks mövqe bildirib, 16%-i cavab verməkdə çətinlik çəkib. 

Eyni zamanda Almaniyanın şərqində Merkelin siyasəti qərbdən daha yüksək qiymətləndirilir. 

Noyabrın 24-də onlayn formatda keçirilən sorğuda yaşı 18-dən yuxarı olan beş minə yaxın Almaniya vətəndaşı iştirak edib.