Livanla İsrail arasında dəniz sərhədinin demarkasiyası üzrə saziş imzalanıb

Bakı, 27 oktyabr, SalamNews, S.Bağırov. Bir neçə aydır ABŞ-ın vasitəçiliyi ilə İsraillə Livan arasında keçirilən danışıqlar nəticə verdikdən sonra iki ölkə rəhbərliyinin iştirakı ilə sənəd imzalanıb.

SalamNews Livan mətbuatına istinadən xəbər verir ki, İsraillə dəniz sərhədinin demarkasiyası sazişi bu gün Beyrutda prezident Mişel Oun tərəfindən imzalanıb.

Habelə İsrail rəhbərliyi də sazişi Təl-Əvivdə imzalayıblar.

Qeyd edək ki, Livanla İsrailin dəniz sərhədində münaqişəli Kariş qaz yatağında İsrail tərəfindən işlərin birtərəfli qaydada aparılmasından sonra Hizbullah hərəkatı bölgə üzərində PUA-larını uçurub. Daha sonra İsrail ABŞ-ın vasitəçiliyi ilə Livanla danışıqlara gedib.