|
Misirdən Avropaya 1753 tarixi ekspanatın qaçırılmasının qarşısı alınıb24 Oktyabr 2022, 10:28 (GMT +4) Bakı, 24 oktyabr, SalamNews, S.Bağırov. Misirin Nuvayba dəniz limanında gömrükçülər 1753 tarixi ekspanatın ölkədən qaçırılmasının qarşısını alıblar.
SalamNews xəbər verir ki, bu barədə Misirin Turizm və tarixi abidələr nazirliyi tvitter səhifəsində məlumat yayıb.
Bildirilib ki, Misirin gömrük işçiləri Nuvayba dəniz limanında şübhəli yükü yoxlayarkən ölkədən qaçırılması planlaşdırılan və tarixi ekspanatları ehtiva edən böyük yükü aşkarlayıblar.
Yükün içində “Afrodita İlahəsi”nin heykəli də daxil olmaqla Roma İmperiyası dövrünə aid çoxsaylı sikkələr və sair tarixi ekspanatlar aşkarlanaraq götürülüb.
Misirin Tarixi Əsərlər Ali Şurası yanında Arxeoloji Bölmələr Mərkəzi Administrasiyasının rəhbəri Həmdi Hammam bildirib ki, aşkarlanan bütün materiallar tarixi əhəmiyyətli ekspanatlardır.
|
RU
AZ
