|
Fələstin Avstraliyanın Qüdslə bağlı qərarını alqışlayıb18 Oktyabr 2022, 13:42 (GMT +4) Bakı, 18 oktyabr, SalamNews, S.Bağırov. Fələstin Azadlıq Təşkilatı və Xarici İşlər Nazirliyi Avstraliyanın Qüdsü İsrailin paytaxtı kimi tanımağı ləğv etmək qərarını müsbət dəyərləndirib.
SalamNews xəbər verir ki, Fələstin Azadlıq Təşkilatının İcraiyyə Komitəsinin katibi Hüseyn Əl-Şeyx bu gün çərşənbə axşamı Avstraliyanın qərarını alqışlayıb.
O deyib: “Biz Avstraliyanın Qüdslə bağlı qərarını və beynəlxalq legitimliyə uyğun olaraq iki dövlətli həll prinsipini dəstəkləməsini alqışlayırıq.”
Qeyd edək ki, Avstraliya Qüdsü İsrailin paytaxtı kimi tanımaqdan imtina edib.
Avstraliya əvvəlki Mühafizəkarlar hökumətinin verdiyi mübahisəli qərarı ləğv edərək, Qərbi Qüdsü İsrailin paytaxtı kimi tanımayacağını açıqlayıb.
Bundan sonra Avstraliyanın səfiri Təl-Əvivdə XİN-ə çağırılıb.
|
RU
AZ
