Bu ilin 6 ayında 17 528 nəfəri heyvan dişləyib

Bakı, 28 sentyabr, SalamNews. 2022-ci ilin 6 ayında 17 528 nəfər heyvan dişləməsinə görə müraciət edib.

SalamNews xəbər verir ki, bunu Respublika Gigiyena və Epidemiologiya Mərkəzinin Xüsusi Təhlükəli İnfeksiyalar şöbəsinin müdiri Ceyran Cəfərova Səhiyyə Nazirliyinin canlı yayımında "Quduzluq" mövzusunda danışarkən deyib.

Onun sözlərinə görə, bunun 3743 nəfəri Bakının payına düşür: "14900 nəfər it, 2015 nəfər pişik, 322 nəfər siçovul, 300 nəfər isə digər heyvanların dişləməsi ilə bağlı müraciət edib".

Ceyran Cəfərova qeyd edib ki, bu günə qədər ölkədə insanlar arasında heç bir quduzluq xəstəliyi aşkar edilməyib.