Rəsmi Dəməşq: Suriya ilə Türkiyə arasında münasibətlərin normallaşdırılması üçün heç bir danışıqlar aparılmır

Bakı, 24 sentyabr, SalamNews, B.Samid. "Hazırda Dəməşq və Ankara arasında normallaşma üçün heç bir danışıqlar aparılmır."

SalamNews Sputnik.Arabic-ə istinadən xəbər verir ki, bunu Suriyanın xarici işlər naziri Feysəl Miqdad deyib.

Suriyanın xarici işlər naziri Feysəl Miqdad ölkəsinin Dəməşq və Ankara arasında münasibətlərin normallaşmasına dair Türkiyə ilə hazırda heç bir danışıqlar aparmadığını açıqlayıb.

Əl-Miqdad iki ölkə arasında iki xarici işlər nazirliyi səviyyəsində də təmasların olmadığını bildirib.

 O, "Türkiyənin Astana razılaşmaları əsasında Suriyada münaqişənin nizamlanmasına maneə olduğunu vurğulayıb" və əlavə edib ki, bu razılaşmalar Suriya böhranının həlli üçün yeganə etibarlı çərçivədir.

Qeyd edək ki, Türkiyə prezidenti Rəcəb Tayyib Ərdoğan bu yaxınlarda Səmərqənddə Şanxay Əməkdaşlıq Təşkilatının sammitində iştirak edəcəyi təqdirdə Suriya prezidenti Bəşər Əsədlə görüşməyə hazır olduğunu bildirmişdi.