|
Britaniya da ABŞ kimi Təl-Əvivdəki səfirliyini Qüdsə köçürmək niyyətindədir22 Sentyabr 2022, 11:56 (GMT +4) Bakı, 22 sentyabr, SalamNews, B.Samid. Böyük Britaniyanın baş naziri Liz Trass israilli həmkarı Yair Lapidə ölkəsinin səfirliyinin Təl-Əvivdən Qüdsə köçürülməsinin araşdırıldığını bildirib.
SalamNews “Times of İsrael”-ə istinadən xəbər verir ki, bu barədə Britaniya baş nazirinin iqamətgahı, “Dauninq-strit”in mətbat xidmətindən məlumat verilib.
Bildirilib ki, Trass Birləşmiş Millətlər Təşkilatının Baş Assambleyası çərçivəsində Nyu-Yorkda keçirilən görüş zamanı Britaniyanın İsraildəki səfirliyinin hazırkı yeri ilə bağlı araşdırması barədə Yair Lapidə məlumat verib.
Lapidin sözçüsü "Times of Israel" qəzetinə bu faktı təsdiqləyib.
Qeyd edək ki, Trass keçən ay, baş nazir olmamışdan əvvəl bu posta nail olacağı təqdirdə Böyük Britaniyanın Təl-Əvivdəki səfirliyinin köçürülməsini nəzərdən keçirəcəyini söyləyib.
Onun avqust ayında bu elanı Britaniya diplomatlarının tənqidinə səbəb omuşdu.
Xatırladaq ki, 2018-ci ildə ABŞ-ın keçmiş prezidenti Donald Trampın Qüdsü İsrailin paytaxtı kimi tanıması və Təl-Əvivdəki səfirliyin Qüdsə köçürülməsi qərarından sonra Honduras, Qvatemala və Kosovo da eyni addımı atıblar.
|
RU
AZ
