"Neftçi" və "Qarabağ"ın keçmiş futbolçusu Rusiya klubuna keçib

Bakı, 20 sentyabr, SalamNews, R.Nadirli. "Neftçi" və "Qarabağ"ın sabiq futbolçusu Aylton Silva karyerasını Rusiyada davam etdirəcək.

SalamNews xəbər verir ki, braziliyalı sol cinah müdafiəçisi qonşu ölkənin "Rodina" klubuna keçib. Bu barədə I Divizionda mübarizə aparan Moskava təmsilçisinin mətbuat xidməti məlumat yayıb.

27 yaşlı futbolçu ilə imzalanan müqavilənin müddəti barədə məlumat verilməyib.

Aylton Silva 2015/2016 mövsümündə "Neftçi"də çıxış edib. O, 2019/2020 mövsümünü isə "Qarabağ"da keçirib. Futbolçunun son klubu Kipr "Pafos"u olub.