Ayətullah Xamenei Ərbəin ziyarətinin təşkilinə görə iraqlılara təşəkkür edib

Bakı, 12 sentyabr, SalamNews, B.Samid. İran İslam İnqilabının Ali lideri Ayətullah Seyid Əli Xamenei iraqlılara təşəkkür edib.

SalamNews xəbər verir ki, bu barədə Ayətullah Seyid Əli Xameneinin sosial şəbəkələrdəki hesablarında təşəkkür mesajı yerləşdirilib.

Bu paylaşımda deyilir:

“İran xalqı bütün varlığı ilə siz əziz iraqlı qardaşlara, xüsusilə də zəvvarlara xidmət edən mövkəblərə təşəkkür edir. Biz səmimi qəlbdən sizə minnətdarlığımızı bildiririk.”

Həmçinin İranın prezidenti İbrahim Rəisi də başçılıq etdiyi son nazirlər kabineti toplantısında Ərbəin ziyarətinin təşkilinə görə İraq hökuməti və xalqına təşəkkürünü bildirib.