Samirra şəhərində Ərbəin zəvvarlarına hücumun qarşısı alınıb

Bakı, 12 sentyabr, SalamNews, B.Samid. İraqın Səlahəddin əyalətində Ərbəin zəvvarlarına hücumun qarşısı zamanında alınıb.

SalamNews Sumariya agentliyinə istinadən xəbər verir ki, bu barədə İraq Silahlı Qüvvələrinin tərkib hissəsi olan “Haşd-Şabi” (Xalq Səfərbər Qüvvələri) məlumat yayıb.

Bildirilib ki, Səlahəddin əyalətinin Samirra şəhərinin cənubunda Ərbəin zəvvarlarına və burada postları olan təhlükəsizlik qüvvələrinə hücumun qarşısı zamanında alınıb.

Belə ki, İŞİD üzvlərinin bölgəyə sızmaq və buradan ziyarət karvanlarını hədəfə almaq üçün planları zamanında zərərsizləşdirilib.

İraq mənbələrinin məlumatına görə, indiyədək Ərbəin ziyarəti üçün ölkəyə üç milyon xarici zəvvar gəlib və bu say artmaqdadır. Ümumiyyələ Ərbəin ziyarətinə qatılacaq zəvvarların sayının hətta 20 milyona çatacağı gözlənilir.