Mobil versiya RU AZ
_




AZƏRBAYCAN » SİYASƏT

Prezident İlham Əliyev və Mehriban Əliyeva V İslam Həmrəyliyi Oyunlarının açılış mərasimində iştirak ediblər

10 Avqust 2022, 09:13 (GMT +4)

Bakı, 10 avqust, SalamNews. Avqustun 9-da Türkiyənin Konya şəhərində V İslam Həmrəyliyi Oyunlarının təntənəli açılış mərasimi keçirilib.

SalamNews xəbər verir ki, Azərbaycan Respublikasının Prezidenti İlham Əliyev və birinci xanım Mehriban Əliyeva mərasimdə iştirak ediblər.

Açılış mərasiminin keçirildiyi Konya Böyükşəhər Bələdiyyəsi Stadionunun üzərində “Türk Yıldızları” aerobatika komandalarının nümunəvi pilotaj uçuşları möhtəşəm mərasimin iştirakçılarına xoş anlar yaşadıb.

Sonra Livan əsilli isveçli müğənni Maher Zain konsert proqramı ilə çıxış edib. Konsert zamanı dron və işıq effektləri mərasimə xüsusi rəng qatıb.

Daha sonra müqəddəs “Qurani-Kərim”dən ayələr oxunub.

Bu möhtəşəm tədbirin tamaşaçıları arenaya daxil olan Türkiyə Prezidenti Rəcəb Tayyib Ərdoğanı, Azərbaycan Prezidenti İlham Əliyevi, digər dövlət və hökumət başçılarını hərarətlə alqışladılar.

Türkiyə Prezidenti Rəcəb Tayyib Ərdoğan Azərbaycanın birinci xanımı Mehriban Əliyeva və Heydər Əliyev Fondunun vitse-prezidenti Leyla Əliyeva ilə qısa söhbət etdi.

Mərasimdə əvvəlcə səhnəyə çıxan rəqqaslar V İslam Həmrəyliyi Oyunlarının loqosunu canlandırdılar. Oyunlar üçün xüsusi olaraq lalə formasında hazırlanmış loqo özündə 21 rəqəmini simvolizə edir. Loqoda, həmçinin ərəb dilində “qardaş” sözünü bildirən “ أ خ” sözü də yer alıb.

Açılış mərasimində Türkiyə tarixinin müxtəlif dövrlərini və mədəni zənginliklərini əks etdirən kompozisiya nümayiş olundu. Kompozisiyanın sonunda işıq effektləri vasitəsilə səhnədə Türkiyə bayrağı və ay-ulduz fiquru təcəssüm etdirildi. Ardınca hərbçilər Türkiyənin Dövlət Bayrağını səhnəyə gətirdilər. Bayraq Türkiyənin Dövlət Himni – “İstiqlal Marşı”nın sədaları altında qaldırıldı.

Bayrağın qaldırılmasından sonra “Konya-2021” V İslam Həmrəyliyi Oyunlarının könüllülərinin və komandaların paradı oldu.

Komandalar ölkələrin adlarının baş hərflərinə uyğun qaydada əlifba sırası ilə meydana daxil oldular. Əvvəlcə Əfqanıstan idmançılarının keçidi oldu. Azərbaycan atletləri meydana dördüncü daxil oldular.

Prezident İlham Əliyev və birinci xanım Mehriban Əliyeva komandamızın üzvlərini hərarətlə alqışladılar.

Açılış mərasimində Azərbaycanın üçrəngli bayrağını atlet Nazim Babayev və voleybolçu Ayşən Abduləzimova apardılar.

Nazim Babayev Avropa çempionu, IV İslam Həmrəyliyi Oyunlarının qalibi, Qış Universiadasının ikiqat qalibi, Yeniyetmələrin Yay Olimpiya Oyunlarının bürünc medalçısıdır. Ayşən Abduləzimova isə qadın voleybolçulardan ibarət Azərbaycan millisinin kapitanı, “Çağırış” kubokunun, “Qızıl Avropa” liqasının və IV İslam Həmrəyliyi Oyunlarının qalibidir.

Azərbaycanı İslamiadada 281 idmançı təmsil edir. Onlar ağır atletika, atıcılıq, atletika, basketbol 3x3 (qadınlar və kişilər), cüdo, futbol, güləş, gimnastika, aerobika, bədii gimnastika, həndbol (qadınlar və kişilər), karate, kikboksinq, qılıncoynatma, oxatma, para-oxatma, para-atletika, para-üzgüçülük, stolüstü tennis, taekvondo, velosiped, voleybol (qadınlar və kişilər) və üzgüçülük yarışlarında güclərini sınayırlar.

Komandaların keçidini ev sahibi – Türkiyə atletləri tamamladılar. Qardaş ölkəni bu yarışlarda 461 atlet təmsil edir.

Prezident Rəcəb Tayyib Ərdoğan, Prezident İlham Əliyev, digər dövlət və hökumət başçıları, azarkeşlər Türkiyə idmançılarını hərarətlə salamladılar.

Sonra Konya bölgəsinə məxsus “Qaşıq havası” rəqsi ifa olundu.

Adlarını Türkiyənin idman tarixinə qızıl hərflərlə yazdıran səkkiz atlet – cüdoçu Hülya Şenyurt, taekvondoçu Nur Tatar, güləşçi Yasemin Adar, karateçi Merve Çoban, ağır atlet Halil Mutlu, taekvondoçu Servet Tazegül və güləşçi Mehmet Akif Pirim İslam Həmrəyliyi İdman Federasiyasının (ISSF) bayrağını meydana gətirdi.

ISSF-nin bayrağı qaldırıldıqdan sonra idmançıların və hakimlərin andı qəbul edildi. İdmançıların adından paralimpiyaçı kamandan oxatan Öznur Cüre, hakimlərin adından isə velosiped idmanı üzrə ədalət təmsilçisi Serkan Karademir and içdilər.

Açılış mərasimində Türkiyənin gənclər və idman naziri Mehmet Muharrem Kasapoğlu, İslam Əməkdaşlıq Təşkilatının Baş katibi Hissein Brahim Taha və ISSF-nin prezidenti Abdülaziz bin Türki el Faysal el-Suud çıxış etdilər.

Türkiyə Prezidenti Rəcəb Tayyib Ərdoğan V İslam Həmrəyliyi Oyunlarını açıq elan etdi.

Sonra atəşfəşanlıq oldu.

Ardınca V İslam Həmrəyliyi Oyunlarının proqramında yer alan 24 idman növünün 9 min illik tarixi olan Çatalhöyük mirasından ilhamlanaraq hazırlanan qrafiklərin müşayiəti ilə ecazkar təqdimatı nümayiş etdirildi.

Əsas qayəsi Mövlanə Cəlaləddin Ruminin “Biz birləşdirməyə gəldik, ayırmağa gəlmədik” olan açılış mərasimi maraqlı kompozisiyaların təqdimatı ilə davam etdi. “Salam olsun!” kompozisiyası ilə Türkiyədən bütün İslam dünyasına salam göndərildi. “Həmrəyliyin gücü” kompozisiyasının əsas qayəsi odur ki, İslam dünyası bir-biri ilə qovuşur, birlik olur. Dünya müsəlmanları həmrəyliyin gücü ilə birləşir. Bu, İslam dünyasının dəyərlər düşüncəsi ilə birləşməsinin və həmrəyliyinin göstəricisidir. “Elmin gücü” kompozisiyasında İslam dünyasının qızıl dövrü tərənnüm edilir. Bu hissədə dünya qaranlıq dövrünü yaşadığı bir zamanda İslam alimlərinin bütün insanlığa bu günümüzə qədər gəlib çatan bəşəri irs qoymaları təbliğ olunur. “Hikmətin gücü” kompozisiyasında böyük bir mədəniyyətin paytaxtı, elmin və hikmətin diyarı, könüllərin görüş yeri olan Konyanın miras qalan əsərləri təqdim olunur, bu qədim şəhərin tarixinə səyahət edilir. “Könüllər şəhəri: Konya” kompozisiyasında isə İslam aləminin müdriklərinin uzun illər elm və hikmət axtarışlarından sonra Konyaya üz tutmaları və bu şəhərdə İslam mədəniyyətinin ən nadir incilərini yaratdıqları tərənnüm olunur. “Eşqin gücü” kompozisiyasında bu gözəl diyarda kök salan hikmətli düşüncələrin öz bəhrəsini verdiyi, bu hikmətin və sevginin Konyanı “Könüllər şəhəri”nə çevirdiyi təbliğ edilir.

İdmanın birləşdirici gücü ilə həmrəyliyi inkişaf etdirməyi hədəfləyən V İslam Həmrəyliyi Oyunlarının təntənəli açılış mərasimi möhtəşəm atəşfəşanlıqla başa çatdı.

V İslam Həmrəyliyi Oyunları 2021-ci ildə keçirilməli olsa da, qlobal pandemiya səbəbindən yarış bir il təxirə salınıb. Avqustun 18-dək davam edəcək V İslam Həmrəyliyi Oyunlarında 56 ölkədən 4 mindən çox atlet idmanın 24 növü üzrə 483 dəst medal uğrunda mübarizə aparır.

Oyunların məhz Konyada keçirilməsi təsadüfi deyil. Qədim tarixi olan Konya şəhəri həm də İslam sivilizasiyasının mühüm mərkəzlərindən sayılır. Böyük təsəvvüf şairlərindən olan Cəlaləddin Ruminin türbəsi zahidlər üçün ziyarətgahdır. Ümumiyyətlə, Konya müxtəlif mədəniyyətlərin bir araya gəldiyi harmonik ruha sahibdir.

Xatırladaq ki, 2017-ci il mayın 12-22-də Bakıda keçirilmiş IV İslam Həmrəyliyi Oyunları Prezident İlham Əliyevin rəhbərliyi, Birinci vitse-prezident və Təşkilat Komitəsinin sədri Mehriban xanım Əliyevanın fəaliyyəti sayəsində bütün dünyaya nümayiş etdirdi ki, İslam aləmi bir ola bilir və bu birlik gücümüzü daha da artırır. “Bakı-2017”də 54 ölkədən 3 mindən çox atlet idmanın 24 növü üzrə keçirilən yarışlarda 269 dəst medal uğrunda mübarizə aparıb. Bu Oyunlara 425 atletlə qatılan Azərbaycan 162 medalla (75 qızıl, 50 gümüş və 37 bürünc) birinci oldu. Türkiyə ikinci (195 medal), İran üçüncü (98 medal), Özbəkistan dördüncü (63 medal), Bəhreyn (21 medal) isə beşinci yerdə qərarlaşdı.

İslam Həmrəyliyi Oyunları ilk dəfə Səudiyyə Ərəbistanının Ciddə şəhərində keçirilib. İkinci İslamiada 2017-ci ildə İranın paytaxtı Tehranda, üçüncü yarış isə İndoneziyanın Palembanq şəhərində təşkil olunub. VI İslam Həmrəyliyi Oyunları isə 2025-ci ildə Kamerunun paytaxtı Yaundedə keçiriləcək.



Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

04 Oktyabr 2022, 18:25 (GMT +4)
Fransanın 6 şəhəri DÇ-2022-ni boykot edib

04 Oktyabr 2022, 18:00 (GMT +4)
AMB: Azərbaycanda pul bazası sentyabrda cüzi azalıb

04 Oktyabr 2022, 17:50 (GMT +4)
Ağdamda Xurşidbanu Natəvanın abidəsinin açılışı olub

04 Oktyabr 2022, 17:42 (GMT +4)
U-19 millimizin baş məşqçisi ilə yollar ayrılıb

04 Oktyabr 2022, 17:41 (GMT +4)
TƏCİLİ! Zelenski Rusiyanın “yeni regionlarının” tanınmaması haqqında fərman imzalayıb

04 Oktyabr 2022, 17:40 (GMT +4)
İlham Əliyev və birinci xanım Mehriban Əliyeva Ağdam rayonuna səfər ediblər

04 Oktyabr 2022, 17:30 (GMT +4)
Prokurorluq erməni diversiya qrupunun Daşkəsəndə basdırdığı minalarla bağlı araşdırma aparır

04 Oktyabr 2022, 17:20 (GMT +4)
Peskov: Moskva danışıqlarda Kiyevin mövqeyinin dəyişməsini gözləyəcək

04 Oktyabr 2022, 17:19 (GMT +4)
AFFA Canni De Byazi ilə müqaviləni yeniləyib

04 Oktyabr 2022, 17:16 (GMT +4)
İran İraqın şimalında separatçı kürd bölmələrini yenidən PUA-larla hədəfə alıb

04 Oktyabr 2022, 17:12 (GMT +4)
Baş Prokurorluq uşaqların təlim-tərbiyəsi ilə bağlı valideynlərə müraciət edib

04 Oktyabr 2022, 17:00 (GMT +4)
MN: Azərbaycanın müdafiə naziri Türkiyənin milli müdafiə naziri ilə görüşüb

04 Oktyabr 2022, 16:55 (GMT +4)
Azərbaycanda son sutkada 96 nəfər koronavirusa yoluxub

04 Oktyabr 2022, 16:38 (GMT +4)
Netanyahu işğal altında olan ərazilərdə yeni yaşayış massivləri salacağını bildirib

04 Oktyabr 2022, 16:30 (GMT +4)
DİN: Xətai rayonunda narkotikə görə 112 nəfər saxlanılıb (VİDEO)

04 Oktyabr 2022, 16:19 (GMT +4)
Şoyqu: Rusiya Silahlı Qüvvələrinə qismən səfərbərlik çərçivəsində artıq 200 mindən çox şəxs qatılıb

04 Oktyabr 2022, 16:10 (GMT +4)
Lənkəran Şəhər İcra Hakimiyyətində əməliyyat keçirilib, saxlanılanlar var

04 Oktyabr 2022, 16:06 (GMT +4)
“Müzəffər Əsgərimiz” layihəsinin regionlarda təqdimatı davam edir (FOTO)

04 Oktyabr 2022, 16:03 (GMT +4)
Britaniyanın baş naziri: Mən qatı sionistəm və İsrailin tərəfdarıyam

04 Oktyabr 2022, 15:56 (GMT +4)
Azərbaycanda hava şəraitinin dəyişəcəyi barədə xəbərdarlıq edilib

04 Oktyabr 2022, 15:46 (GMT +4)
Şöbə rəisi: Edillidə tapılan qalıqlar hərbçilərimizə aiddir

04 Oktyabr 2022, 15:36 (GMT +4)
İraq: İranla nüvə danışıqlarının uğursuzluğu bütün regiona mənfi təsir göstərəcək

04 Oktyabr 2022, 15:32 (GMT +4)
Sabahdan kolleclərə qəbul olanlar üçün qeydiyyat başlayır

04 Oktyabr 2022, 15:20 (GMT +4)
“Azəriqaz”ın sahibkarlarla növbəti görüşü Xəzər rayonunda keçiriləcək

04 Oktyabr 2022, 15:10 (GMT +4)
Yasamalda narkotikə görə 12 nəfər tutulub, əraziyə naryad qrupları təhkim olunub

04 Oktyabr 2022, 14:58 (GMT +4)
Prezident bir qrup təhsil işçisini “Tərəqqi” medalı ilə təltif edib (SİYAHI)

04 Oktyabr 2022, 14:48 (GMT +4)
Paşinyanın həyat yoldaşının KİV-i Rusiyanın Ermənistanı birləşdirmək “istəklərindən” yazıb

04 Oktyabr 2022, 14:44 (GMT +4)
WSJ: ABŞ Çinə mikrosxem və yarımkeçiricilərin ixracına yeni məhdudiyyətlər qoymağı planlaşdırır

04 Oktyabr 2022, 14:40 (GMT +4)
Bir qrup təhsil işçisinə “Əməkdar müəllim” fəxri adı verilib (SİYAHI)

04 Oktyabr 2022, 14:31 (GMT +4)
Mərakeş İranı “Polisario Cəbhəsi”ni PUA-larla silahlandırmaqda ittihamlandırıb

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: [email protected]
Tel./Fax: (+99412) 555 1 313
(+7499) 120 63 66