Əfqanıstanda Talibana qarşı “Cənubi-Türküstan” adlı partizan qrupu varlığını elan edib

Bakı, 30 iyun, SalamNews, B.Samid. Əfqanıstanın Bəlx əyalətində əsasən özbəklərdən ibarət “Cənubi-Türküstan” adlı silahlı partizan qrupu mövcudluğunu elan edib.

SalamNews xəbər verir ki, bu barədə AamajNews agentliyi tvitter səhifəsində məlumat yerləşdirib.

Yayımlanan videoda bir qrup şəxs özlərini “Cənubi-Türküstan”nın əsgərləri adlandırır və Əfqanıstanın şimalında özbəklərin, qırğızların, türkmənlərin və sair türdilli xalqların hüquqlarını müdafiə etmək üçün mübarizə aparacaqlarını bildiriblər.

“Cənubi-Türküstan” adlı silahlı partizan qrupu mövcudluğunu Məzar-Şərif şəhərindən elan etdiklərini bildiriblər.

Qeyd edək ki, bundan öncə Əfqanıstanın mərkəz və şimal bölgələrində taciklər və həzarələrin oxşar partizan qrupları da Talibana qarşı mübarizə məqsədilə varlığını elan ediblər.