Məşhəddə İmam Rzanın (ə) ziyarətgahı kompleksində yanğının qarşısı alınıb

Bakı, 21 may, SalamNews, B.Samid. Məşhəddə İmam Rzanın (ə) məqbərəsi kompleksinin daxilində yerləşən məscidlərdən birində yanğının qarşısı alınıb.

SalamNews bu barədə İran mətbuatına istinadən xəbər verir.

Bildirilib ki, bu gün sübh ziyarətgah kompleksinin içində yerləşən tarixi Gövhərşad məscidinin yuxarı mərtəbəsində yanğın baş verib.

Aidiyyatı qurumların zamanında müdaxiləsi nəticəsində yanğın tamamilə söndürülüb.

Bu hadisədə xəsarət alan olmayıb.