Məşhəddə İmam Rzanın (ə) ziyarətgahında din xadimlərinə hücum edilib

Bakı, 5 aprel, SalamNews, B.Samid. Məşhəddə İmam Rzanın (ə) hərəmində iki din xadiminə soyuq silahla hücum edilib.

SalamNews İran mətbuatına istinadla xəbər verir ki, bu gün günorta saatlarında İmam Rzanın (ə) hərəmində naməlum şəxs bıçaqla iki din xadiminə hücum edib.

Polis hücum edən şəxsi həbs edib.

Onun kimliyi və hücumunun səbəbi araşdırılır.

Məlumata görə, hücuma məruz qalan din xadimləri Məşhəddə dini təhsil alan tələbələrdir. Onlardan birinin artıq aldığı yaradan dünyasını dəyişdiyi bildirilir.

Yenilənib:

İran KİV-lərinin məlumatına görə, bu gün Məşhəddə İmam Rzanın (ə) hərəminin həyətində hücuma məruz qalan ikinci din xadimi də vəfat edib.