Pakistanın Pişəvər şəhərində məsciddə partlayış törədilib, onlarla ölən və yaralanan var (VİDEO)

Bakı, 4 mart, SalamNews, B.Samid.  Bu gün Pakistanın Pişəvər şəhərində məscidlərin birində cümə namazı vaxtı partlayış törədilib.

SalamNews Reuters-ə istinadla xəbər verir ki, Pakistan Polisi ilkin məlumatlara görə bu partlayış nəticəsində beş nəfərin öldüyünü bildirib.

Pakistan Polisi məscidin daxilində baş verən partlayışın kamikadze vasitəsilə həyata keçirildiyini ehtimal edir.

Məlumata görə azı 30 nəfər yaralanıb.

Bu hücumu hələ heç bir qruplaşma üzərinə götürməyib.