Məşhəd - Kərbəla - Məkkə marşurutu üzrə beynəlxalq magistral yol çəkilə bilər

Bakı, 6 oktyabr, SalamNews, B.Samid. İraq, İran və Səudiyyə rəsmilərinin Bağdadda baş tutan görüşündə Məşhəd - Kərbəla - Məkkə marşurutu üzrə beynəlxalq magistral avtomobil yolu çəkilməsi məsələsi müzakirə edilib.

SalamNews İqna.ir-ə istinadla xəbər verir ki,  İran, İraq və Səudiyyə Ərəbistanın son üçtərəfli görüşündə İraqın baş naziri Məşhəddən başlayaraq Kərbəladan keçən və Məkkəyə gedən beynəlxalq magistral yolun çəkilməsi təklifini irəli sürüb.

Bağdad hava limanında baş tutan bu görüşdə İraq, İran və Səudiyyə rəsmilərinin görüşündə ölkələr arasında bəzi diplomatik razılaşmalar əldə edilib.

İraqın baş naziri Mustafa əl-Kaziminin irəli sürdüyü təklifi tərəflər müsbət qarşılayıblar.

Mənbə bildirir ki, bu beynəlxalq magistral avtomobil yolu üç dövlət arasında əlaqələrin normallaşmasına başlanğıc ola bilər. Çünki Məşhəd şəhəri bütün dünyada yaşayan şiə müsəlmanlar və eləcə də iranlılar üçün çox əhəmiyyətli bir şəhərdir.