Mobil versiya RU AZ
_




AZƏRBAYCAN » İQTİSADİYYAT

Prezident SOCAR-ın idarə edilməsinin təkmilləşdirilməsinə dair fərman imzalayıb

23 Yanvar 2021, 16:15 (GMT +4)

Bakı, 23 yanvar, SalamNews. Prezident İlham Əliyev Azərbaycan Respublikası Dövlət Neft Şirkətinin idarə edilməsinin təkmilləşdirilməsinə dair tədbirlər haqqında fərman imzalayıb.

SalamNews-un məlumatına görə, fərman qabaqcıl təcrübə və müasir idarəetmə tələbləri çərçivəsində Azərbaycan Respublikası Dövlət Neft Şirkətinin fəaliyyətində səmərəliliyi artırmaq, onun idarə edilməsini müasir korporativ idarəetmə standartları nəzərə alınmaqla təkmilləşdirmək məqsədilə imzalanıb.

Fərmanda bildirilir ki, Azərbaycan Respublikasının Dövlət Neft Şirkəti yarandığı dövrdən böyük inkişaf yolu keçərək ölkənin sosial-iqtisadi tərəqqisində mühüm rol oynamışdır.

Ümummilli lider Heydər Əliyevin qətiyyətli siyasəti nəticəsində 1994-cü ildən başlayaraq həyata keçirilən uğurlu neft strategiyası Azərbaycan Respublikasının beynəlxalq iqtisadiyyata inteqrasiyasında və ölkəyə xarici investisiyaların cəlb edilməsində müstəsna rol oynamaqla yanaşı, Azərbaycan Respublikası Dövlət Neft Şirkətinin fəaliyyətində mühüm dəyişikliklərlə müşayiət olunmuşdur. Xəzər dənizinin Azərbaycan sektorunda yerləşən karbohidrogen yataqlarının işlənilməsinə dair dünyanın qabaqcıl neft şirkətləri ilə bağlanılmış “Əsrin müqaviləsi” respublikanın neft-qaz sənayesinin inkişafında yeni mərhələ olmuşdur. Hazırda Azərbaycan Respublikasının Dövlət Neft Şirkəti neft-qaz hasilatı, nəqli və emalı ilə məşğul olan müəssisədən transmilli şirkətə çevrilərək, iştirakçısı olduğu beynəlxalq layihələrdə Azərbaycan Respublikasını uğurla təmsil edir, ölkənin iqtisadi potensialının güclənməsinə, sosial-iqtisadi tərəqqisinə, eləcə də milli maraqlarımızın həyata keçirilməsinə mühüm töhfə verir.

Qlobal iqtisadiyyatda, o cümlədən xarici neft bazarında baş verən prosesləri və qeyri-müəyyənlikləri nəzərə alaraq, Azərbaycan Respublikası Dövlət Neft Şirkətinin korporativ idarəetmə sisteminin və biznes modelinin təkmilləşdirilməsi yolu ilə onun beynəlxalq mühitdə rəqabətədavamlılığı, orta və uzunmüddətli perspektivdə maliyyə dayanıqlığı, idarəetmənin, habelə sərmayələrin effektivliyinin və aktivlərinin dəyərinin əhəmiyyətli dərəcədə artırılması əsas çağırışa çevrilmişdir.

Fərmanla Azərbaycan Respublikası Dövlət Neft Şirkətinin (bundan sonra – SOCAR) fəaliyyətinə ümumi rəhbərliyi və nəzarəti həyata keçirmək üçün SOCAR-ın Müşahidə Şurası (bundan sonra – Müşahidə Şurası) yaradılır.

Müəyyən edilib ki, Müşahidə Şurası Azərbaycan Respublikası Prezidentinin vəzifəyə təyin və vəzifədən azad etdiyi sədr də daxil olmaqla 7 (yeddi) üzvdən ibarətdir.

3. SOCAR-ın ümumi yığıncağının səlahiyyətlərinin həyata keçirilməsi aşağıdakılara həvalə edilsin:

3.1. Azərbaycan Respublikasının Prezidentinə:

3.1.1. SOCAR-ın yenidən təşkili və ləğvi;

3.1.2. SOCAR-ın Müşahidə Şurasının və icra orqanının üzvlərinin vəzifəyə təyin və vəzifədən azad edilməsi;

3.2. Azərbaycan Respublikasının Prezidenti ilə razılaşdırmaqla Azərbaycan İnvestisiya Holdinqinə:

3.2.1. SOCAR-ın nizamnaməsinin və strukturunun təsdiq edilməsi, nizamnamə kapitalının miqdarının müəyyən edilməsi;

3.2.2. SOCAR-ın illik hesabatlarının, maliyyə hesabatlarının təsdiq edilməsi, mənfəətinin və zərərinin bölüşdürülməsi;

3.2.3. SOCAR-ın dividend siyasətinin təsdiq edilməsi;

3.2.4. SOCAR-ın qiymətli kağızlarının buraxılması barədə qərar qəbul edilməsi;

3.2.5. SOCAR-ın xalis aktivlərinin dəyərinin 25 (iyirmi beş) faizindən artıq məbləğdə olan əqdin (xüsusi əhəmiyyətli əqdin), eləcə də müstəqil auditorun rəyi ilə aidiyyəti şəxslə dəyəri SOCAR-ın aktivlərinin 5 (beş) faizini və daha çox hissəsini təşkil edən əqdin bağlanması haqqında qərar qəbul edilməsi.

4. Müəyyən edilsin ki, SOCAR-ın Müşahidə Şurasının səlahiyyətləri aşağıdakılardır:

4.1. SOCAR-ın uzunmüddətli inkişaf strategiyasını təsdiq etmək;

4.2. SOCAR-ın xərclər və gəlirlər smetasını təsdiq etmək və onun icrasına nəzarəti həyata keçirmək;

4.3. SOCAR-ın xalis aktivlərinin dəyərinin 25 (iyirmi beş) faizindən artıq məbləğdə olan əqdin (xüsusi əhəmiyyətli əqdin), eləcə də müstəqil auditorun rəyi ilə aidiyyəti şəxslə dəyəri SOCAR-ın aktivlərinin 5 (beş) faizini və daha çox hissəsini təşkil edən əqdin bağlanması ilə bağlı ümumi yığıncağa təkliflər vermək;

4.4. aidiyyəti şəxslərlə bağlanması nəzərdə tutulan və dəyəri SOCAR-ın aktivlərinin 5 (beş) faizinədək hissəsini təşkil edən əqdləri təsdiq etmək;

4.5. mövcud normativ hüquqi aktların tələbləri nəzərə alınmaqla SOCAR-ın aktivlərinin idarəetməyə verilməsi və özəlləşdirilməsi ilə bağlı əqdlərin bağlanmasına razılıq vermək;

4.6. fəaliyyətinin ayrı-ayrı sahələri üzrə siyasəti, daxili qaydaları, habelə filial və nümayəndəliklərinin əsasnamələrini təsdiq etmək;

4.7. SOCAR-ın korporativ strukturunun və ştat cədvəlinin təsdiq edilməsinə razılıq vermək;

4.8. SOCAR-ın Audit Komitəsini və digər komitələrini yaratmaq, onların əsasnamələrini təsdiq etmək, rəhbərlərini və üzvlərini vəzifəyə təyin və vəzifədən azad etmək;

4.9. bu Fərmanın 3-cü hissəsi nəzərə alınmaqla, Azərbaycan Respublikasının Mülki Məcəlləsi, SOCAR-ın nizamnaməsi və Azərbaycan Respublikasının bu sahədə münasibətləri tənzimləyən digər normativ hüquqi aktları ilə Müşahidə Şurasının səlahiyyətlərinə aid edilmiş digər məsələləri həll etmək.

5. Azərbaycan İnvestisiya Holdinqi:

5.1. SOCAR-ın idarə olunmasına dair korporativ idarəetmə standartlarını, habelə SOCAR-ın idarəetmə orqanlarının üzvlərinin fəaliyyətinin qiymətləndirilməsi sistemini altı ay müddətində təsdiq etsin;

5.2. beynəlxalq məsləhətçi şirkət cəlb etməklə, SOCAR-ın mövcud müqavilə öhdəliklərinə riayət olunması şərtilə onun hüquq, maliyyə, vergi və kommersiya sahələrində fəaliyyətinin nəticələrinin diaqnostikasının aparılmasını altı ay müddətində təmin edib nəticəsi barədə Azərbaycan Respublikasının Prezidentinə məlumat versin;

5.3. bu Fərmanın 5.2-ci bəndində nəzərdə tutulan diaqnostika başa çatdıqdan sonra onun nəticəsindən asılı olaraq SOCAR-ın yeni nizamnaməsinin və strukturunun layihəsini iki ay müddətində hazırlayıb razılaşdırılmaq üçün Azərbaycan Respublikasının Prezidentinə təqdim etsin;

5.4. bu Fərmandan irəli gələn digər məsələləri həll etsin.

6. Azərbaycan Respublikasının Nazirlər Kabineti:

6.1. SOCAR-ın Müşahidə Şurasının yaradılması ilə əlaqədar onun nizamnaməsinin 4-cü və 5-ci hissələrinin bu Fərmana uyğunlaşdırılmasına dair təkliflərini 15 (on beş) gün müddətində Azərbaycan Respublikasının Prezidentinə təqdim etsin;

6.2. Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

6.3. Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

6.4. mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

6.5. bu Fərmandan irəli gələn digər məsələləri həll etsin.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

İlham Əliyev “Azərbaycan Xəzər Dəniz Gəmiçiliyi”nin yeni inzibati binasının açılışında iştirak edib

Prezident İlham Əliyev Rəcəb Tayyib Ərdoğana telefonla zəng edib

İlham Əliyev: Türkiyədən ən müasir silah növlərinin alınması üçün yeni müqavilələr imzalanıb

Prezident İlham Əliyev mətbuat konfransı keçirir (CANLI)

Prezident İlham Əliyev Xocalı soyqırımı ilə bağlı paylaşım edib

Prezident İlham Əliyev “Ana harayı” abidəsini ziyarət edib

Prezident İlham Əliyev Şağan Reabilitasiya Pansionatının açılışında iştirak edib (FOTO)

Prezident İlham Əliyev Rəcəb Tayyib Ərdoğanı təbrik edib

İlham Əliyev Nizami Gəncəvi Beynəlxalq Mərkəzinin həmsədrini videoformatda qəbul edib

YAP İcra Katibiyində “Xilaskar İlham Əliyev” adlı kitabın videokonfrans formatında təqdimatı keçirilib

Şuşadakı məktəbin təməlini İlham Əliyev, Ərdoğan və Bahçeli birlikdə atacaq

İlham Əliyev işğaldan azad edilmiş kəndlərin bərpası ilə bağlı sərəncam imzalayıb

İlham Əliyev: Pandemiyadan sonra biz qısa müddətdə vəziyyəti bərpa edəcəyik

İlham Əliyev İndoneziyanın yeni səfirinin etimadnaməsini qəbul edib

İlham Əliyev Horadiz-Ağbənd dəmir yolu xəttinin təməlini qoyub

Prezident İlham Əliyev və Mehriban Əliyeva Füzuli, Zəngilan, Laçın və Cəbrayılda olublar

Prezident İlham Əliyev və birinci xanım Mehriban Əliyeva Zəngilanda çinar ağacları əkiblər (FOTO)

Prezident İlham Əliyev Laçında Azərbaycan bayrağını qaldırıb

Prezident İlham Əliyev: "Azərbaycanın sərmayə mühiti olduqca münbitdir"

Prezident İlham Əliyev Yüen Sikunu ordenlə təltif edib

03 Mart 2021, 18:00 (GMT +4)
Azərbaycanda sosial müavinət və pensiya alanların sayı açıqlanıb

03 Mart 2021, 17:53 (GMT +4)
Beyləqanda 3 mağazadan 10500 manatlıq oğurluq edilib

03 Mart 2021, 17:45 (GMT +4)
Fransanın Azərbaycan səfiri ANAMA sədri ilə görüşüb

03 Mart 2021, 17:43 (GMT +4)
İşğaldan azad olunmuş ərazilərə keçmək istəyənlər saxlanılıb

03 Mart 2021, 17:33 (GMT +4)
Bakıda ödəmə terminalından 4 min manat oğurlanıb

03 Mart 2021, 17:22 (GMT +4)
Vətən müharibəsi iştirakçıları və ailə üzvlərinin 1,5 milyon manatlıq borcları ödənilib

03 Mart 2021, 17:12 (GMT +4)
Suriyada vaxtilə qruplaşmaların olduğu bölgədə böyük silah yükü aşkarlanıb

03 Mart 2021, 17:11 (GMT +4)
"YAŞAT": Bu günədək 4 156 şəxs öhdəliyə götürülüb

03 Mart 2021, 17:00 (GMT +4)
"Bakı Metropoliteni"nin bütün infrastrukturu yoxlanılacaq

03 Mart 2021, 16:50 (GMT +4)
Zalkaliani: Azərbaycan, Türkiyə və Gürcüstan arasındakı əməkdaşlıq bütün bölgə üçün əhəmiyyətlidir

03 Mart 2021, 16:45 (GMT +4)
Prezident Pakistanın Baş Qərargah rəisini videoformatda qəbul edib

03 Mart 2021, 16:35 (GMT +4)
“Caspian Energy Club” növbəti “Online B2G forum” təşkil edib

03 Mart 2021, 16:33 (GMT +4)
Çavuşoğlu: Yaxın günlərdə Azərbaycan, Gürcüstan və Türkiyə xarici işlər nazirlərinin görüşü olacaq 

03 Mart 2021, 16:32 (GMT +4)
Ağdamda idarə rəisi minaya düşüb

03 Mart 2021, 16:28 (GMT +4)
Ermənistan prezidenti Baş Qərargah rəisi ilə ölkədəki vəziyyəti müzakirə edib

03 Mart 2021, 16:23 (GMT +4)
Lənkəranda marketdə istifadə müddəti bitmiş məhsullar aşkarlanıb

03 Mart 2021, 16:18 (GMT +4)
ABŞ dövlət katibi Venesuela müxalifətinin lideri ilə danışıqlar aparıb

03 Mart 2021, 16:10 (GMT +4)
Bakıda daha bir məktəb koronavirusa görə bağlanıb

03 Mart 2021, 15:57 (GMT +4)
FHN: 300-dən artıq əməkdaş vaksinasiya olunub

03 Mart 2021, 15:43 (GMT +4)
Norveçdə COVID-19 peyvəndindən sonra 100-dən çox insan ölüb

03 Mart 2021, 15:37 (GMT +4)
Azərbaycan və İtaliya XİN başçıları arasında telefon danışığı olub

03 Mart 2021, 15:26 (GMT +4)
Rusiya Azərbaycandan alma və pomidor idxalına qoyulan məhdudiyyətləri ləğv edir

03 Mart 2021, 15:22 (GMT +4)
Füzulidə düşmənin atıb qaçdığı hərbi texnikalar və silah-sursat aşkar edilib (FOTO)

03 Mart 2021, 15:17 (GMT +4)
İran üçüncü övladı dünyaya gətirən ailəyə güzəştli kredit verir

03 Mart 2021, 15:12 (GMT +4)
Azərbaycanda son sutkada 319 nəfər COVID-19-a yoluxub, 161 nəfər sağalıb

03 Mart 2021, 15:02 (GMT +4)
ARPA: “Universal Bank İşçisi” sertifikasiyası imtahanına qeydiyyat başladı

03 Mart 2021, 15:00 (GMT +4)
Kreml AB və ABŞ-ın sanksiyalarına münasibət bildirib

03 Mart 2021, 14:50 (GMT +4)
Niderlanddakı erməni təşkilatının növbəti saxtakarlığı ifşa edilib

03 Mart 2021, 14:39 (GMT +4)
İran tərəfindən vurulduğu iddia edilən İsrail gəmisi Fars körfəzini tərk edib (FOTO)

03 Mart 2021, 14:33 (GMT +4)
Azərbaycan və İsrailin enerji sistemlərinin əməkdaşlığı müzakirə olunub

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66