Azərbaycanda xüsusi mühafizə olunan təbiət ərazilərinin sahəsi açıqlanıb

Bakı, 22 yanvar, SalamNews. 2021-ci ilin əvvəlinə flora və faunanın qorunub saxlanması və təkrar istehsalı üçün ölkədə ümumi sahəsi 120,7 min hektar olan 10 dövlət təbiət qoruğu olub.

Dövlət Statistika Komitəsindən SalamNews-a bildirilib ki, sahəsi 421,4 min hektar olan 10 milli park və sahəsi 350,8 min hektar olan 24 dövlət təbiət yasaqlığı mövcud olub. Xüsusi mühafizə olunan təbiət əraziləri ölkə ərazisinin 10,3 faizini təşkil edir.