İranın nüvə aliminə qarşı terroru törədənlərin bir neçəsinin kimliyi müəyyənləşib

Bakı, 2 dekabr, SalamNews, B.Samid. İran nüvə alimi Möhsün Fəxrizadəyə qarşı terroru icra edən və onunla əlaqəli olan terrorçulardan bir neçəsinin kimliyi müəyyənləşib.

SalamNews İSNA-a istinadla xəbər verir ki, bunu İranın vitse-prezidenti Əli Rəbii ölkənin İkinci telekanalına verdiyi açıqlamada deyib.

O bildirib ki, ölkənin Kəşfiyyat Nazirliyinin başlatdığı axtarış əməliyyat tədbirləri nəticəsində terrorun icrasında iştirak edənlərdən və onunla əlaqəli olanlardan bir neçəsinin kimliyi müəyyən edilib.

Qeyd edək ki, bundan öncə Sepah-ın mətbuat xidməti bəyan edib ki, terrorla bağlı araşdırmaların yekun nəticəsi ölkənin Milli Təhlükəsizli Ali Şurası tərəfindən xalqa çatdırılacaq.