ABŞ İranın Sosial yardım fonduna da sanksiya tətbiq edib

Bakı 19 noyabr, SalamNews. B.Samid. ABŞ İrana qarşı maksimum təzyiq siyasəti çərçivəsində bu ölkənin dövlət sosial yardım fonduna da sanksiya tətbiq edib.

SalamNews BBC-ə istinadla xəbər verir ki, bu barədə ABŞ Xəzinədarlıq Departamentindən məlumat verilib.

Bildirilib ki,yeni sanksiya addımında “İran İslam inqilabının yoxsullara dəstək fondu” ABŞ-ın sanksiyalar siyahısına əlavə edilib.

Həmçinin əlavə edilib ki, ölkənin Kəşfiyyat Nazirliyinin rəhbəri Seyid Mahmud Ələviyə də sanksiya tətbiq edilib.

Son sanksiyalarda İranın və İranla əlaqələi olduğu deyilən, 9 fiziki şəxs və 45 şirkət və hüquqi şəxs sanksiyalar siyahısına salınıb.