Fransa Senatı Dağlıq Qarabağın müstəqilliyinin tanınması məsələsinə baxacaq

Bakı, 19 noyabr, SalamNews. Fransa Senatı (parlamentin yuxarı palatası) Dağlıq Qarabağın müstəqilliyini tanıyan qətnaməni müzakirəyə çıxaracaq.

SalamNews-un Gazeta.ru-ya istinadən verdiyi xəbərə görə, bu barədə Respublikaçılar partiyasından olan Bruno Retayo Twitter-də yazıb.

“25 noyabrda Senat Artsax Respublikasının Fransa tərəfindən tanınmasına dair qətnaməyə baxacaq. Yalnız müstəqilliyi, Dağlıq Qarabağ əhalisinin hüquq və azadlıqlarını türk islamçı ekspansionizmi qarşısında qoruya bilər", o yazıb. 

Fransa Senatının qərarı tövsiyə xarakteridir, icra hakimiyyəti onlara riayət etmək məcburiyyətində deyil.