Mobil versiya RU AZ
_




AZƏRBAYCAN » SİYASƏT

Berlində Azərbaycan və Ermənistan səfirlərinin debatı olub

28 Oktyabr 2020, 09:30 (GMT +4)

Bakı, 28 oktyabr, SalamNews. 27 oktyabr 2020-ci il tarixində Berlində fəaliyyət göstərən “korespondenten.cafe” jurnalist klubunda Azərbaycan Respublikasının Almaniyadakı səfiri Ramin Həsənov və Ermənistan Respublikasının Almaniyadakı səfiri Aşot Sumbatyanın mətbuat qarşısında debatı təşkil olunub.

SalamNews-un məlumatına görə, tədbirin aparıcısı, “korespondenten.cafe” jurnalist klubunun rəhbəri Evald Köniq ilkin olaraq giriş nitqi ilə çıxış etmək üçün səfirlərə söz verib. Daha sonra səfirlər jurnalistlərin suallarını cavablandırıblar.

Səfir Ramin Həsənov artıq 1 aydan bəri Azərbaycan torpaqlarında müharibənin getdiyini bildirib. Qeyd edib ki, təqribən 30 il bundan əvvəl Ermənistan güc yolu ilə Azərbaycan torpaqlarının 20%-ini zəbt edib və orada etnik təmizləmə aparıb. Münaqişə ilə bağlı 1993-cü ildə BMT Təhlükəsizlik Şurasının 4 qətnaməsi qəbul olunub, amma məcburi xarakter daşıyan bu qətnamələr icra olunmayıb. Həmçinin ATƏT-in Minsk Qrupunun vasitəçiliyi ilə 30 il yaxın aparılan danışıqlar uğurlu nəticə verməyib. Bu illər ərzində Ermənistana yetəri qədər təzyiq göstərilmədiyi üçün bu ölkə nəinki zəbt etdiyi torpaqları işğal altında saxlamağa, eyni zamanda ölkəmizə qarşı verbal və əməli provokasiyalar etməyə cəsarət edib. Səfir bu xüsusda Ermənistanın Baş naziri Paşinyanın hakimiyyəti dövründə ölkəmizə qarşı ard-arda edilən təxribatlar barədə məlumat verib və onun “Dağlıq Qarabağ Ermənistandır və nöqtə” bəyanatını vurğulayıb.

Səfir Həsənov bildirib ki, 27 sentyabr tarixində Ermənistan tərəfindən həyata keçirilən hərbi təxribata nəhayət Azərbaycan Ordusu əks-hücumla cavab verib və işğal olunmuş torpaqları azad etməyə başlayıb. Nəticədə təmas xətti və status-kvo tamamilə ləğv olunub. Bü müddətdə Ermənistan tərəfi Azərbaycanın mülki obyektlərini hədəfə alıb və edilən hücumlar nəticəsində çoxsaylı mülki şəxs həlak olub. 10 və 17 oktyabr tarixlərində Gəncə şəhərinə ballistik raketlərlə edilmiş hücumlar nəticəsində uşaqlar da daxil olmaqla ümumilikdə 25 mülki şəxs həyatını itirib.

Azərbaycan diplomatı münaqişəyə dair erməni təbliğatının yaydığı yalanlara toxunub. Dağlıq Qarabağın guya Azərbaycana Stalin tərəfindən verilməsi, bölgənin keçmiş SSRİ-nin qanunvericiliyi çərçivəsində Azərbaycandan ayrılması kimi tarixi yalanları faktlarla ifşa edib. Ermənistanın istinad etdiyi xalqların öz müqəddəratını təyin etmə prinsipinin əslində erməni tərəfindən sui-istifadə edildiyini, bu prinsipin Dağlıq Qarabağdakı ermənilərə şamil edilməsinin mümkün olmadığını, bölgənin erməni icmasının Azərbaycanda yaşayan digər milli azlıqların istifadə etdikləri hüquqlarla təmin edilməsinin mümkünlüyünü diqqətə çatdırıb.

Səfir həmçinin hazırki hərbi əməliyyatlarla bağlı yayılan qeyri-obyektiv və uydurma məlumatlardan bəhs edib. Ermənistanın guya Azərbaycanla yanaşı Türkiyə ilə də müharibə aparması iddiasına toxunub. Bildirib ki, Azərbaycan və Türkiyə qardaş ölkələrdir və Türkiyə Azərbaycanın haqq işini dəstəkləyir. Amma bu ölkə münaqişənin iştirakçısı deyil və Azərbaycan hərbi əməliyyatları öz gücünə həyata keçirir. Ramin Həsənov eyni zamanda Azərbaycanda guya Yaxın Şərqdən muzdluların döyüşməsi barədə iddianın absurd olduğunu, buna dair indiyədək bir dənə də olsa sübutun təqdim edilmədiyini vurğulayıb. Qeyd edib ki, bütün bu mifləri Ermənistan tərəfi hərbi əməliyyatlarda Azərbaycana məğlub olmasına bəraət qazandırmaq üçün yayır. Səfir həmçinin əsassız yerə Türkiyənin münaqişədə iştirakçı olduğunu iddia edənlərin Ermənistanın pulsuz silahla təchiz edilməsi və onun ərazisində xarici ölkənin hərbi bazasının olması faktlarının gözardına almalarını tənqid edib.

Azərbaycan səfiri həmçinin hərbi əməliyyatlarda Azərbaycanın guya Dağlıq Qarabağdakı mülki obyektləri nişana alması və ya qadağan olunmuş silahlardan istifadə etməsi barədə xəbərlərə də toxunub. Qeyd edib ki, bu məlumatlar reallığa uyğun deyil. Azərbaycan hərbi əməliyyatlar başlayandan bölgənin erməni mülki əhalisinə müraciət edərək hərbi obyektlərdən uzaq durmağa çağırış edib. Ermənistan tərəfi isə Azərbaycanın hətta cəbhəyanı bölgədə yerləşməyən yaşayış məntəqələrinə məqsədli şəkildə hücumlar edir, mümkün qədər çox mülki şəxsi qətlə yetirməyə çalışır. Ermənistan tərəfindən törədilmiş insanlığa qarşı müharibə cinayətləri nəticəsində bugünə qədər 65 mülki şəxs həyatını itirib.

Ramin Həsənov həmçinin münaqişənin həlli imkanlarından danışıb. Qeyd edib ki, Azərbaycan beynəlxalq hüququn norma və prinsiplərinə müvafiq olaraq öz ərazi bütövlüyünü bərpa edir. Ermənistan işğala könüllü şəkildə son qoymaqla qan tökülməsinin qarşısını ala bilər. Səfir bildirib ki, işğalçı qüvvələrin çıxarılmasından sonra azərbaycanlı məcburi köçkünlər geri qayıtmalı, işğalçı qüvvələr tərəfindən viran edilmiş məntəqələr bərpa edilməlidir. Azərbaycan Dağlıq Qarabağda erməni və azərbaycanlı icmalarının dinc və təhlükəsizlik şəraitində birgəyaşayışını təmin etməyə hazırdır.

Azərbaycan diplomatı o cümlədən Ermənistanın indiyədək münaqişənin həllindən yayınması və status kvonu bərkitməklə məşğul olması barədə danışıb. Vurğulayıb ki, qonşu ölkənin ərazisində etnik təmizləmə aparan, Xocalıda mülki əhaliyə qarşı soyqırımı həyata keçirən, yüz minlərlə azərbaycanlını 30 ildən bəri vətəndən məhrum edən bir ölkənin insan hüquqlarından danışmağa mənəvi haqqı çatmır. Səfir Azərbaycanın Bakı və digər şəhərlərində minlərlə erməni əsilli vətəndaşların yaşamasına istinadən, Ermənistanın öz işğalçı siyasətinə guya Dağlıq Qarabağ ermənilərini etnik təmizləmə riskindən müdafiə etmək donu geyindirməsinin sağlam məntiqə sığmadığını vurğulayıb. Bildirib ki, Ermənistanın dərc etdiyi xəritələrdə Dağlıq Qarabağ ətrafındakı 7 rayonunun qondarma rejimin ərazisi kimi göstərilməsi, bu torpaqlarda müdafiə istehkamları inşa etməsi, eləcə də Ermənistan rəhbərliyinin bu torpaqların Azərbaycana qaytarılmayacağına dair bəyanatları onu göstərir ki, guya Dağlıq Qarabağdakı ermənilərin müdafiəsi əslində işğalçı siyasəti pərdələmək üçün bəhanədir.

Səfir həmçinin beynəlxalq birliyin atəşkəsə çağırmaqla yanaşı işğala son qoyulması və BMT Təhlükəsizlik Şurasının qətnamələrinin yerinə yetirilməsini tələb etməsinin vacib olduğunu bildirib. O, Almaniyanın Azərbaycanın ərazi bütövlüyünü dəstəkləyən mövqeyini qeyd edib, eyni zamanda bu ölkəni Ermənistana beynəlxalq hüquqa əməl etməsi üçün təsir etməyə çağırıb.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Berlində Nizami Gəncəvi haqqında məqalələrdən ibarət kitab çap olunub

Berlində COVID-19-un yayılmasına qarşı sərt tədbirlər qüvvəyə minir

Berlində etiraz aksiyaları zamanı 45 polis əməkdaşı xəsarət alıb

AZAL Berlinə xüsusi reyslər həyata keçirəcək

Berlindən Bakıya gətirilən 188 nəfər karantinə yerləşdirilib (FOTO)

Berlində dünyanın müxtəlif ölkələrində yaşayan azərbaycanlılarla görüş keçirilib

Berlində II Dünya müharibəsindən qalan bomba zərərsizləşdirilib

Pompeo və Çavuşoğlu Berlində danışıqlar aparıb

Berlində Liviya mövzusunda konfrans keçirilib

Azərbaycan məhsulları Berlində keçirilən sərgidə təqdim olunur

Putin Liviya münaqişəsilə bağlı Berlində keçiriləcək toplantıya qatılacaq

Pompeo Liviya üzrə Berlin konfransında iştirak edəcək

Liviyada atəşkəsin qorunması Berlin konfransınən uğurunun əsas şərtidir - Çavuşoğlu

General Haftar Liviya münaqişəsilə bağlı Berlin toplantısına qatılacağını bildirib

Berlində Türkiyə səfirliyinin maşınına hücum edilib

Berlində Azərbaycanın mədəniyyət axşamı keçirilib 

London Berlinin Səudiyyə Ərəbistanı ilə bağlı qərarından narazıdır

Azərbaycan məhsulları Berlində "Fruit Logistica" sərgisində nümayiş olunur

Merkel: Berlin Quaydonu Venesuelanın müvəqqəti prezidenti olaraq tanıyır

Berlində I Almaniya-Azərbaycan biznes-dialoqu keçirilib

03 Dekabr 2020, 14:13 (GMT +4)
Bərdədə yaşadığı ünvanı tərk edən COVID-19 xəstəsi müəyyən edilib

03 Dekabr 2020, 13:54 (GMT +4)
Caspian Energy Club Yusif Abdullayevin iştirakı ilə onlayn B2G FORUM təşkil edib

03 Dekabr 2020, 13:46 (GMT +4)
Azərbaycanda Zəfər Günü noyabrın 8-də qeyd ediləcək

03 Dekabr 2020, 13:28 (GMT +4)
Zəngilanda yol qəzası olub, ölən var

03 Dekabr 2020, 13:10 (GMT +4)
Rusiyada son sutkada 28 mindən çox COVID-19-a yoluxma qeydə alınıb

03 Dekabr 2020, 13:01 (GMT +4)
Trampın müşaviri ərəbləri barışdırmaq üçün regionda səfərdədir

03 Dekabr 2020, 13:00 (GMT +4)
Müdafiə Nazirliyi Laçın rayonunun Hüsülü və Malıbəy kəndlərinin videogörüntülərini yayıb (VİDEO)

03 Dekabr 2020, 12:58 (GMT +4)
Ərdoğan Bakıda keçiriləcək Zəfər Paradında iştirak edəcək

03 Dekabr 2020, 12:45 (GMT +4)
Cəlilabad və Masallıda COVID-19 xəstələri yaşayış yerini tərk edib

03 Dekabr 2020, 12:37 (GMT +4)
Fransa DİN rəhbəri: Ölkədə 76 məsciddə reyd keçiriləcək

03 Dekabr 2020, 12:30 (GMT +4)
"Azəriqaz": Qarabağda ilkin texniki-iqtisadi əsaslandırmaya başlanılıb

03 Dekabr 2020, 12:10 (GMT +4)
Zakir Həsənov Rusiya sülhməramlı qüvvələrinin komandanı ilə görüşüb

03 Dekabr 2020, 12:09 (GMT +4)
ABŞ Qasim Süleymaniyə qarşı terrorun ildönümü ilə əlaqədar İraqdakı səfirliyinin işçilərini azaldır

03 Dekabr 2020, 12:00 (GMT +4)
Ötən gün evi tərk edən 2 koronavirus xəstəsi həyatını itirib

03 Dekabr 2020, 11:57 (GMT +4)
Dünyada COVID-19-a yoluxanların sayı 65 milyona yaxınlaşır

03 Dekabr 2020, 11:45 (GMT +4)
Dövlət Dəniz Agentliyinə yeni mətbuat katibi təyin olunub

03 Dekabr 2020, 11:40 (GMT +4)
NATO 2030-cu ilə qədər Rusiyanı əsas hərbi təhlükə hesab edir

03 Dekabr 2020, 11:30 (GMT +4)
Zərdabda COVID-19 virusunun daşıyıcısına cinayət işi başlanılıb

03 Dekabr 2020, 11:27 (GMT +4)
PKK Sincar rayonunu tərk edib, İraq Ordusu bölgəyə daxil olub

03 Dekabr 2020, 11:15 (GMT +4)
“Azərişıq” texniki itkilərin azaldılması ilə bağlı işləri davam etdirir

03 Dekabr 2020, 11:00 (GMT +4)
Vəkil Adil İsmayılov koronavirusdan vəfat edib

03 Dekabr 2020, 10:45 (GMT +4)
Fransanın keçmiş prezidenti koronavirusdan ölüb

03 Dekabr 2020, 10:45 (GMT +4)
Azərbaycan neftinin qiyməti 49 dollara yaxınlaşıb

03 Dekabr 2020, 10:35 (GMT +4)
Emanuel Makron beynəlxalq yardımların verilməsi üçün Livan qarşısında şərt qoyub

03 Dekabr 2020, 10:30 (GMT +4)
Qarabağda idmanla bağlı yeni təhsil klasterinin yaradılması təklif olunub

03 Dekabr 2020, 10:23 (GMT +4)
ABŞ-da koronavirusdan rekord ölüm qeydə alınıb

03 Dekabr 2020, 10:18 (GMT +4)
BMT Fələstinlilərin və Suriyanın lehinə 5 qərar qəbul edib, İsrail etirazını bildirib

03 Dekabr 2020, 09:54 (GMT +4)
Azərbaycan Müdafiə Nazirliyi Laçın şəhərinin videogörüntülərini yayıb (VİDEO)

03 Dekabr 2020, 09:50 (GMT +4)
NATO Gürcüstana dəstəyini gücləndirəcək

03 Dekabr 2020, 09:45 (GMT +4)
Ceyhun Bayramov Əfqanıstanın yeni səfirinin etimadnaməsinin surətini qəbul edib

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66