İraqın yeni baş naziri Səudiyyə Ərəbistanına rəsmi səfərə gedir

Bakı, 15 iyul, SalamNews, B.Samid. İraqın yeni baş naziri Mustafa əl-Kazimi ilk xarici səfərini Səudiyyə Ərəbistanına edəcək.

SalamNews bu barədə Səudiyyə Ərəbistanın əl-Hədas telekanalına istinadla xəbər verir.

Telekanal bildirib ki, cari həftənin sonu İraqın baş naziri Mustafa əl-Kazimi ər-Riyada rəsmi səfərə yollanacaq.

Mənbə bu səfərin gündəmi və mövzusu haqda məlumat verməyib.

Bildirilib ki, əl-Kazimi İrana, Avropa və Amerikaya da səfər etməyi planlaşdırır.