Lukaşenko Minskdəki Qələbə Paradından sonra koronavirusa yoluxmanın azaldığını açıqlayıb

Bakı, 13 may, SalamNews. Belarusiya Prezidenti Aleksandr Lukaşenko Minskdəki hərbi paraddan sonra koronavirusa yoluxmanın azaldığını açıqlayıb.

"Paradla bağlı danışım. İnsanlar havada idi, əminəm ki, bu qapalı yerdən qalmaqdan daha yaxşıdır", Lukaşenko iclasda deyib. 

SalamNews -un "İnterfaks"a istinadla verdiyi xəbərə görə, o hökumətin paraddan sonra xəstəliyin artması ilə əlaqədar narahatlıq keçirdiyini etiraf edib.

"İndi biz nə əldə etdik? Minskdə yoluxma iki dəfə azalıb", o deyib.

Qeyd edək ki, Belarus koronavirus pandemiyası səbəbiylə 9 mayda planlaşdırılan paradı ləğv etməyib.