Mobil versiya RU AZ
_




AZƏRBAYCAN » MEDİA

Mətbuat Şurası onlayn konfrans keçirib (FOTOLAR)

11 Aprel 2020, 20:00 (GMT +4)

Bakı, 11 aprel, SalamNews, K.Orxan. Bu gün Azərbaycan Mətbuat Şurasının təşəbbüsü ilə "Koronavirus: xüsusi karantin rejimində medinın fəaliyyəti" mövzusunda onlayn konfrans keçirilib. 

SalamNews-un əməkdaşının da qatıldığı toplantını giriş sözü ilə açan MŞ sədri Əflatun Amaşov bildirib ki, koronavirus pandemiyasının geniş yayıldığı indiki dövrdə infeksiyanın qarşısının alınmasına yönələn kifayət qədər məqsədyönlü tədbirlər reallaşdırılmaqdadır. O, ölkəmizin mövcud istiqamətdə nümunəvi fəaliyyətlə fərqləndiyini vurğulayıb. Bu, ilk növbədə Azərbaycan Respublikasının Prezidenti cənab İlham Əliyevin şəxsində dövlətimizin məsələyə həssas münasibətinin nəticəsidir. Həm dövlət başçımızın, həm də ölkəmizin Birinci vitse-prezidenti Mehriban xanım Əliyevanın koronavirus təhlükəsi ilə bağlı xalqa ünvanladıqları müraciətlər onu deməyə əsas verir ki, Azərbaycan dövləti vətəndaşının yanındadır və tam gücü ilə dünyanın üzləşdiyi qlobal bəlanın fəsadlarının aradan qaldırılmasına çalışır, bütün zəruri tədbirləri gerçəkləşdirir. "Hesab edrəm ki, mediamızın üzərinə də kifayət qədər vəzifələr düşür. Biz bu vəzifələrə ümumən məsulyyətlə yanaşıldığını görürük. Ona görə də çətin şəraitdə çalışan, yüksək əzmkarlıq göstərərək əhalinin maarifləndirilməsində yaxından iştirak edən hər bir media təmsilçisinə təşəkkürümüzü bildiririk. Onların əməyi ən xoş sözlərə layiqdir", - deyən MŞ sədri onu da bildirib ki, rəhbərlik etdiyi qurum indiyədək koronavirus dövründə media fəliyyətinin müxtəlif təzahür formaları ilə bağlı bir neçə dəfə jurnlistlərə müraciət edib, müvafiq tövsiyələr ünvanlayıb.

Qurum Beynəlxalq Jurnalistlər Federasiyasının tövsiyələrini də jurnalistlərimizə çatdırıb ki, bu da son dərəcə vacib məqamdır. "Tövsiyələrimiz nədən ibarətdir? Təbii ki, biz ilk növbədə juranlistlərimizin peşəkar olmalarını istəmişik. Əlbəttə, pandemiya şəraiti həm ölkəmiz, həm də jurnalistlərimiz üçün indiyədək keçilməmiş yoldur. Vətənizimin, xalqımızın, vətəndaşımızın mənafeyi baxımdan bu yolda düzgün istiqamət götürməliyik. Düşünürəm ki, müəyyən istisnalarla bunu edə bilirik. Digər tərəfdən, pandemiya şəraiti bir çox problemləri üzə çıxartdığı kimi, mediamızdakı çətinliklərini də üzə çıxartdı.

Jurnalist adı ilə sui-istifadələr var. Müəyyən şəxslər saxta jurnalist vəsiqələri satmaqla məşğuldurlar. Bu kimi hallar hüquqi məsuliyyət kontekstində dəyərləndirilməlidir və tədbirlər görülür. Həqiqi jurnalistlər prosesə dəstək verməlidirlər və verirlər. Biz aktiv olmalıyıq. Eyni zamanda onu da bildirməliyik ki, xüsusi karantin rejiminin tətbiqi həqiqi jurnalistlərin fəaliyyətinə də təsir göstərir. Onlar həkimlərimiz, polislərimiz, eləcə də iş başında olan digər sahələrin təmsilçiləri kimi həyatlarını riskə atırlar. Bir daha deyim, fədakarlıq göstərirlər. Bəli, Azərbaycan Respublikasının Nazirlər Kabineti yanında Operativ Qərargah kütləvi informasiya vasitələrinin karantin dövründəki iş sərbəstliyinin olduğunu açıqlayıb. Yəni media fəaliyyətinə icazə verilən sahədir. Spekulyasiyalara qarşı isə əmək müqaviləsi tələbi nəzərdə tutulub. Əlbəttə, biz bu gün problemlərdən danışırıqsa, onları müzakirəyə çıxarırııqsa, bilməliyik ki, bir çox həmkarlarımız frilanser, bloger kimi çalışırlar. Onlar əmək müqaviləsi ilə deyil, xidməti müqavilə ilə işləyirlər. Biz Operativ Qərargahla danışdıq. Hesab edirəm ki, bu şəxslərlə bağlı problem olmamalıdır. Onlar müvafiq qaydada öz icazələrini alıb işlərini görə biləcəklər. Eyni zamanda Operativ Qərargahla razılığa gəldik ki, frilans fəaliyyət göstərən jurnalistlər Mətbuat Şurasına müraciət etsinlər. Şura onların siyahısını hazırlayaraq qərargaha təqdim etsin.

Bu çətin durumdur və fərdi yanaşılmalıdır. Hər bir halda biz kimlərin jurnalist olduqlarını bilirik. Bu sayaq hallar üçün Daxili İşlər Nazirliyi ilə birgə monitorinq qrupumuz fəaliyyətdədir. Anlaşılmaz durumlar yaranarsa, jurnalistlər qrupun üzvlərinə müraciət edə bilərlər. Hər bir halda media nümayəndələrimiz də dərk etməlidirlər ki, bu durum ekstremal səciyyə daşıyır. Hər kəs öz məsuliyyətini anlamalıdır. Əgər jurnalist öz işinə gedirsə, getməlidir, ancaq kimsə jurnalist statusundan hansısa şəxsi məqsədini gerçəkləşdirmək üçün yararlanmamalıdır. Qəbul edilməlidir ki, məhdudlaşdırıcı rejim ümumən hər kəsə aiddir. Burada kiməsə sərbəstlik verilibsə, buna peşə fəaliyyətinin əhəmiyyəti nəzərə alınaraq gedilib", - deyə Ə.Amaşov fikrinə aydınlıq gətirib.

Toplantıda iştirak edən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, Milli Məclisin deputatı Azay Quliyev bu cür həssas durumlarda vətəndaş həmrəyliyi və vəhdətinin olmasının vacibliyini əsaslandırıb və bu baxımdan media orqanlarının üzərinə son dərəcə böyük məsuliyyətin düşdüyünü vurğulayıb. A.Quliyev vətəndaş cəmiyyəti institutlarının koronavirus təhlükəsinə qarşı maarifləndirici missiyası barədə məlumat verib. O, həmçinin medianın və sahə QHT-lərin birgə əməkdaşlığının vacibliyindən söz açıb. Mövcud istiqamədə əlaqələndirmənin gücləndirilməsi üçün QHT-lərlə media orqanlarının birgə konfransının təşkili təklifini irəli sürüb.

Azərbaycan Respublikasının Milli Məclisinin deputatı, "Trend" İnformasiya Agentliyinin baş direktorunun müavini Arzu Nağıyev medianın koronavirusla mübarizə şəraitindəki fəaliyyətini iki aspektdən dəyərləndirib. O, həm jurnalistlərin vətəndaşları maarifləndirmə missiyasına toxunub, həm də bildirib ki, peşəkar media fəaliyyəti dezinformasiyaların qarşısının alınması, mümkün təşvişlərdən qorunması deməkdir. Bu isə ümumən ölkənin təhlükəsizliyi baxımdan son dərəcə böyük önəm daşımaqdadır.

MŞ sədrinin müavini, Beynəlxalq Avrasiya Mətbuat Fondunun rəhbəri Umud Rəhimoğlu çıxışında bildirib ki, həqiqi jurnalislərimiz koronavirus pandemiyası şəraitində vətəndaşlarımızın təhlükəsizlik, gigiyena qaydaları ilə bağlı maarifləndirilməsində kifayət qədər ardıcıllıq və peşəkarlıq nümayiş etdirirlər. Bir sıra nöqsan və çatışmazlıqlar da diqqətdə saxlanılmalı və bu sayaq toplantılarda geniş müzakirəyə çıxarılaraq araşdırılmalıdır. U.Rəhimoğlu mövcud məqamı əsas tutaraq xüsusi karantin rejimi dövründə jurnalistlərin iştirakı ilə onlayn konfransların mütəmadi keçirilməsinin vacibliyini vurğulayıb.

"Təzadlar" qəzetinin baş redaktoru Asif Mərzili qeyd edib ki, media koronavirusla mübarizədə kifayət qədər məsul və aktual missiya yerinə yetirir. Bu missiyaya zərər gətirən meyllər aradan qaldırılmalıdır, buna görə də jurnalist həmrəyliyinin olması şərtdir. A.Mərzili eyni zamanda jurnalist əməyinin stimullaşdırılması üçün əlavə tədbirlərə ehtiyacın olduğunu da diqqətə çatdırıb.

MŞ İdarə Heyətinin üzvü, "Xalq cəbhəsi" qəzetinin baş redaktoru Elçin Mirzəbəyli rəhbərlik etdiyi redaksiyada jurnalistlərin koronavirus təhlükəsi şəraitindəki həm yaradıcılıq fəaliyyətinə, həm də virusdan qorunmaq üçün gördükləri işlərə diqqət çəkib. O, eyni zamanda ümumən hazırkı dövrdə jurnalist fəaliyyətindəki bir sıra nəzərəçarpan məqamları sadalayıb. Baş redaktor bu baxımdan bəzi media təqdimatlarının, xüsusən televiziya materiallarının və proqramlarının keyfiyyətinə nəzarət edilməsini mühüm sayıb. E.Mirzəbəyli əlavə edib ki, media insanlarda pessimizm deyil, optimizm, xoş ovqat, ruh yüksəkliyi yaratmalıdır, bayağılıq yolverilməzdir.

MŞ İdarə Heyətinin üzvü Azər Həsrət hazırkı durumda ciddi media orqanlarının siyahısının tərtib edilməsinin vacibliyini əsaslandırıb. O, bu yolla spekulyasiyaların qarşısının alına biləcəyinə əminliyini deyib. A.Həsrət onu da bildirib ki, bəzi telekanallarda pandemiya təhlükəsini, "evdə qal" çağırışını əsaslandırmaq üçün seçilmiş forma və metodlar qıcıq doğurur. Belə qeyri-peşəkarlıqlar diqqətə çatdırılmalıdır və onlara qarşı ictimai qınaq artırılmalıdır.

Konfransa Çindən qatılan, bu ölkənin populyar "CCTV" telekanalının beynəlxalq əlaqələr şöbəsinin müdiri Malik Əyyub Çin mediasının koronavirus pandemiyası şəraitindəki fəaliyyətindən söz açıb. O, eyni zamanda bu xəstəliyin yayılması ilə bağlı beynəlxalq media şəbəkələrində Çinə qarşı formalaşdırılmış antipatiya meylləri barədə ətraflı məlumat verib, dünya mediasının xarakterik iş xüsusiyyətlərindən söz açıb.

Medianın cəmiyyəti ruh yüksəkliyinə, həyata səsləməsinin vacibliyindən danışan MŞ İdarə Heyətinin üzvü, "İki sahil" qəzetinin baş redaktoru Vüqar Rəhimzadə bu istiqamətdəki peşəkarlıq tendensiyalarının daim diqqətdə saxlanılmalı, müzakirəyə çıxarılmalı olduğunu bildirib, onlayn konfransın bu baxımdan mühüm əhəmiyyət daşıdığını deyib.

Şimali Kipr Türk Cümhuriyyətinin Mətbuat Şurasının İdarə Heyətinin üzvü Gökhan Güler, həm Türkiyədə, həm də ŞKTC-də koronavirus infeksiyası ilə bağlı xarakterik məlumatları diqqətə çatdırıb. O, mövcud istiqamətdə medianın dezinformasiyalardan uzaq, obyektiv fəaliyyətinin zəruriliyinə cəmiyyətin maraq və mənafelərinin təminatı baxımından aydınlıq gətirib.

MŞ İdarə Heyətinin üzvü, "Cümhuriyyət" qəzetinin baş redaktoru Rafail Becanov çıxışında bildirib ki, koronavirus şəraiti media fəaliyyətinin hüquqi əsaslarına yenidən baxılmasını aktuallaşdırdı. Aşkar göründü ki, müstəqil jurnalist fəaliyyətinin - blogerliyin kütləvi informasiya yayıcılığının forması kimi qanunlarımızda yer almasına ehtiyac var. R.Becanov həmçinin belə günlərdə jurnalistikanın cəmiyyətin psixoloji durumunu yüksək tutmaq üçün çalışmasını da müstəsna fəaliyyət istiqaməti kimi vurğulayıb. Bunun əksinə olan meyllərə jurnalist ictimaiyyətinin reaksiya verməli olduğunu deyib.

MŞ İdarə Heyətinin üzvü, Azərbaycanlıların və Türkdilli Xalqların Əməkdaşlıq Mərkəzinin sədri İlham İsmayıl koronavirus şəraitində jurnalist əməyinin müstəsna əmək olduğunu vurğulayıb və təklif edib ki, bu istiqamətdə düşündürücü təqdimatları ilə seçilən jurnalistlərin əməyinin stimullaşdırılmasına yönələn işlər görülsün.

"Afn.az" saytının redaktoru Səbuhi Qafarov da çıxışında gərgin əməyi və zəhməti ilə seçilən jurnalislərin əməyinin nəzərə alınması təklifi ilə çıxış edib. O, eyni zamanda onlayn şəraitdə media fəaliyyəti ilə bağlı öz təcrübəsini toplantı iştirakçları ilə bölüşüb.

"Region plyus" jurnalının baş redaktoru Namiq Mayılov diqqəti jurnalistlərin daha çox koronavirusla bağlı açıqlanmış rəqəmlərə həssas yanaşmalarının əhəmiyyətinə çəkib. O bildirib ki, bəzən məsələyə etinasız yanaşma siyasi spekulyasiyalar üçün meydan verir. Bu baxımdan Azərbaycanın media təmsilçilərinin də həssaslığı şərtdir.

"Bakutime.az" saytının baş redaktoru Zaur Mirzəzadə hazırkı şəraitdə Mətbuat Şurasının vahid jurnalist vəsiqəsi mexanizmi tətbiq etməsini vacib sayıb və bildirib ki, bu yolla media adından sui-istifadələr aradan qaldırıla bilər. Baş redaktor çıxışında həmçinin ölkəmizdə "Könüllülər ili" elan olunması ilə əlaqədar jurnalist tələbələrdən ibarət könüllü dəstələrin yaradılmasını təklif edib. O, eyni zamanda jurnalistlərin Heydər Əliyev Fondunun vitse-prezidenti Leyla Əliyeva tərəfindən başladılmış qanvermə aksiyasına qoşulmasının əhəmiyyətini də əsaslandırıb.

"Konkret.az" saytının baş redaktoru Fadil Paşayev bildirib ki, koronavirus infeksiyası ilə mübarizə mövcud istiqamətdə təbliğatın metodologiyasının hazırlanmasına ehtiyacın duyulduğunu göstərdi. O, bu istiqamətdə müvafiq işlərin görülməsini təklif edib.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Gürcüstanda son sutkada daha 1576 nəfərdə koronavirusa yoluxma qeydə alınıb

Azərbaycanda son sutkada 377 nəfər koronavirusa yoluxub, 14 nəfər vəfat edib

Almaniyada son sutkada 7 mindən çox koronavirusa yoluxma aşkar edilib

Rusiyada son sutkada 8.790 yeni koronavirusa yoluxma aşkar edilib

Rusiyada son sutkada 8217 koronavirusa yoluxma qeydə alınıb

Azərbaycanda son sutkada 1306 nəfər koronavirusdan sağalıb, 514 nəfər yoluxub

Rusiyada son sutkada 8 115 yeni koronavirusa yoluxma qeydə alınıb

Dünyada son sutkada 677 mindən çox koronavirusa yoluxma aşkar edilib 

Azərbaycanda son sutkada 892 nəfər koronavirusdan sağalıb, 371 nəfər yoluxub

Almaniyada daha 6 922 nəfər koronavirusa yoluxub

Rusiyada son sutkada 8 465 yeni koronavirusa yoluxma aşkar edilib 

Dünyada koronavirusdan ölənlərin sayı 3,3 milyonu keçib

Gürcüstanda daha 24 nəfər koronavirusdan ölüb

Azərbaycanda son sutkada 1 720 nəfər koronavirusdan sağalıb, 649 nəfər yoluxub

Rusiyada son sutkada 8 329 koronavirusa yoluxma aşkar edilib

İranda koronavirusdan ölənlərin sayı 74 mini ötüb

DİN: Ötən gün 2 nəfər aktiv koronavirus xəstəsi ictimai yerlərdə aşkar edilib

Vətən müharibəsində şəhid olanların ailələri və qazilər koronavirusa qarşı peyvənd olunub (FOTO)

Rusiyada son sutkada 8 386 yeni koronavirusa yoluxma aşkar edilib

Lukaşenko koronavirusa qarşı yerli peyvənd yaradıldığını açıqlayıb

15 May 2021, 21:56 (GMT +4)
İsrail Qəzzada Əlcəzirə və Associated Press -in ofisinin olduğu binanı yerlə yeksan edib (VİDEO)

15 May 2021, 17:02 (GMT +4)
Piyada əleyhinə mina risklərinə həsr olunmuş beynəlxalq konfrans təşkil edilib

15 May 2021, 16:55 (GMT +4)
Gürcüstanda son sutkada daha 1576 nəfərdə koronavirusa yoluxma qeydə alınıb

15 May 2021, 16:47 (GMT +4)
Ukraynada yeni qoşun növü yaradılacaq

15 May 2021, 16:38 (GMT +4)
Azərbaycanda son sutkada 377 nəfər koronavirusa yoluxub, 14 nəfər vəfat edib

15 May 2021, 16:30 (GMT +4)
Almaniyada son sutkada 7 mindən çox koronavirusa yoluxma aşkar edilib

15 May 2021, 16:23 (GMT +4)
“Nizami Gəncəvi yaradıcılığı uşaqların gözü ilə” adlı intellektual proqram təşkil olunacaq

15 May 2021, 16:12 (GMT +4)
ABŞ ilk dəfə Yaponiyada PUA-lar yerləşdirəcək

15 May 2021, 16:05 (GMT +4)
ETSN: Gələcəkdə su çatışmazlığının qarşısını almaq üçün tədbirlər planlaşdırılır

15 May 2021, 16:04 (GMT +4)
"WhatsApp" istifadəçilər üçün bəzi funksiyaları məhdudlaşdırmağa başlayır

15 May 2021, 15:53 (GMT +4)
Fələstin hərəkatları Təl-Əvivi altı ay intensiv hədəfə almaq iqtidarında olduqlarını bildiriblər

15 May 2021, 15:44 (GMT +4)
Çex Respublikasının Baş Prokuroru istefasına səbəb olaraq Ədliyyə naziri ilə fikir ayrılıqlarını göstərib

15 May 2021, 15:40 (GMT +4)
“Türk Hava Yolları” Gəncəyə uçuşları bərpa edib

15 May 2021, 15:28 (GMT +4)
Qəbələdə Bum çayı üzərində yeni körpü və Bum qəsəbəsinə gedən avtomobil yolu bərpadan sonra istifadəyə verilib

15 May 2021, 15:14 (GMT +4)
Uxanda tornado nəticəsində 6 nəfər ölüb

15 May 2021, 15:10 (GMT +4)
Qazax sakinində narkotik aşkarlanıb

15 May 2021, 14:56 (GMT +4)
Prezident İlham Əliyev Qəbələnin Nic qəsəbəsindəki Müqəddəs Məryəm Ana Alban kilsəsində olub

15 May 2021, 14:47 (GMT +4)
Göygöldə təhlükəsizlik kəmərindən istifadə etməyən sürücülər məsuliyyətə cəlb edilib 

15 May 2021, 14:37 (GMT +4)
Rusiyada son sutkada 8.790 yeni koronavirusa yoluxma aşkar edilib

15 May 2021, 14:29 (GMT +4)
"THY" Tel Əviv uçuşlarını ləğv edib

15 May 2021, 14:24 (GMT +4)
İsrailin Qəzzaya hücumunda ölənlərin sayı 140-a çatıb, onların 39-u uşaqdır (VİDEO)

15 May 2021, 14:13 (GMT +4)
Pakistanda yol qəzasında 11 nəfər ölüb

15 May 2021, 14:08 (GMT +4)
İlham Əliyev Qəbələnin Nic qəsəbəsində 1 saylı orta məktəbdə və Müqəddəs Yelisey adına Cotari kilsəsində olub

15 May 2021, 13:56 (GMT +4)
Abşeronda restoranda yanğın baş verib

15 May 2021, 13:44 (GMT +4)
MN: HHQ aviasiya vasitələri plana uyğun təlim-məşq uçuşları keçirir

15 May 2021, 13:40 (GMT +4)
KİV: Lukaşenko bir il ərzində üçüncü dəfə Rusiyaya səfər edəcək

15 May 2021, 13:34 (GMT +4)
İranın Məhkəmə Hakimiyyətinin sədri Ayətullah Rəisi də prezidentliyə namizəd olub

15 May 2021, 13:23 (GMT +4)
Dövlət Sərhəd Xidmətində gənc əsgərlərin andiçmə mərasimi keçirilib (FOTO)

15 May 2021, 13:12 (GMT +4)
Caspian Energy Club “Caspian Energy Poland”-da pay iştirakını satışa çıxarıb

15 May 2021, 13:06 (GMT +4)
BMT Baş Katibi İsrail və Fələstinə müraciət edib

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66