Tehranda qəzaya uğrayan Ukrayna təyyarəsinin ölən sərnişinlərinin çoxu iranlıdır

Bakı, 8 yanvar, SalamNews, B.Samid. Bu gün sübh Tehranda qəzaya uğrayan Ukraynanın Boeing 737 təyyarəsinin həlak olan sərnişinlərindən 147-i iranlıdır.

SalamNews İRNA-a istinadla xəbər verir ki, bu barədə İranın Təcili Tibbi Yardım Təşkilatının sədri Pir-Hüseyn Kulivənd məlumat verib.

Bildirilib ki, təyyarənin bütün sərnişinləri həlak olub.

Onlardan 147-i iranlı, qalan 32-i isə digər ölkələrin vətəndaşlarıdırlar.

Təyyarənin texniki nazaslıqdan qəzaya uğradığı deyilir.

Təyyarə Tehranın Şəhriyar rayonu ərazisində qəzaya uğrayaraq yerə çırpılıb.