|
Nazirlik Göyçayda plastik qabdan ibarət bağlamanın düşməsi hadisəsinə aydınlıq gətirib04 Dekabr 2019, 13:49 (GMT +4) Bakı, 4 dekabr, SalamNews.Müdafiə Nazirliyi bəzi kütləvi informasiya vasitələrində Göyçay rayonunda yaşayan sakinlərdən birinin evinin həyətinə üzərində şar olan plastik qabdan ibarət bağlamanın düşməsi barədə yayılan məlumata aydınlıq gətirib.
Nazirlikdən SalamNews-un sorğusuna cavab olaraq bildirilib ki, atmosferin meteoroloji vəziyyətinin qiymətləndirilməsi məqsədilə artilleriya təlimlərindən əvvəl helium qazı doldurularaq buraxılan zond (şar) havanın müxtəlif parametrlərini ölçmək imkanı verir.
"Meteoroloji vəziyyəti qiymətləndirmək üçün havaya buraxılmış bu zond təhlükəsizdir və təşvişə heç bir səbəb yoxdur", - deyə sorğuda qeyd olunub.
|
RU
AZ
