Suriyanın Qamışlı şəhərində partlayış törədilib - Ölənlər və yaralananlar var (VİDEO)

Bakı, 12 oktyabr, SalamNews, B.Samid. Ötən gün axşam saatlarına yaxın Suriyanın şimal-şərqində Həsəka əyalətində törədilən terror aktı nəticəsində ölənlər var.

SalamNews  SANA-a istinadla xəbər verir ki, partlayış nəticəsində azı 6 nəfər həyatını itirib.

Məlumata görə partlayış Qamışlının kürd bölmələrinin nəzarətindəki əl-Uməri alı restoranı qarşısında həyata keçirilib.

Minalanmış maşının partladılması nəticəsində daha 9 nəfər yaralanıb.

İŞİD terror təşkilatı bu hücumu üzərinə götürüb.

Qeyd edək ki, Türkiyənin Suriyanın şimalında əməliyyatı fonunda ötən gün İŞİD-in bir həbsxanası vurulub. İŞİD-çilər və onların ailələrinin saxlanıldığı əl-Houl düşərgəsində də üsyan baş qaldırıb.