Mobil versiya RU AZ
_




AZƏRBAYCAN » ELM VƏ TEXNOLOGİYA

Geologiya və Geofizika İnstitutu yeni kataloq hazırlayıb

30 Sentyabr 2019, 10:20 (GMT +4)

Bakı, 30 sentyabr, SalamNews.AMEA Geologiya və Geofizika İnstitutu yeni kataloq hazırlayıb.

SalamNews xəbər verir ki, elmi əhəmiyyətinə və formasına görə maraq doğuran çoxsaylı təbiət nümunələrinin qorunduğu AMEA Geologiya və Geofizika İnstitutunun (GGİ) Geoloji-Mineraloji muzeyi 1993-cü ildə təşkil olunub. Muzeyin ekspozisiyası Azərbaycanın müxtəlif regionlarından toplanmış mineral, süxur, filiz, fauna və floraya həsr olunub. İyirmi ildən çox bir müddət ərzində muzey öz fəaliyyət sahəsini xeyli genişləndirə bilib. Belə ki, İnstitut əməkdaşlarının – akademiklər Ş.Ə.Əzizbəyov, M.Ə.Qaşqay, Ə.Ə.Əlizadə, Q.Ə.Əlizadə, M.M.Əliyev, A.A.Əlizadənin, həmçinin bir neçə nəslə mənsub olan böyük geoloqlar kollektivinin Böyük və Kiçik Qafqazın müxtəlif regionlarında geoloji tədqiqat məqsədi ilə apardıqları çöl işləri zamanı toplanmış materiallar muzey eksponatlarının miqdarını maksimuma çatdırıb. Burada Azərbaycanın neftli-qazlı regionlarından (Abşeron, Bakı arxipelaqı, Kür çökəkliyi, Yevlax,Ağcabədi və b.) gətirilmiş böyük miqdarda kernlər də yer alıb. Muzeydəki mineral, süxur, fauna və flora eksponatları sistemləşdirilib və məlumat bankı tərtib olunub ki, bu da onları daha geniş elmi ictimaiyyətə təqdim etmək məqsədini daşıyır. 500-dən çox mineral və süxur, 200-dən çox fauna və flora nümunəsi muzeyin zalında və İnstitutun dəhlizlərindəki vitrinlərdə nümayiş etdirilir.

Minerallar filiz və qeyri-filiz mineral qruplarına ayrılıb. Muzey zalında və dəhlizlərdə çökmə, maqmatik (intruziv və effuziv) və metamorfik süxurlardan götürülmüş nümunələr, həmçinin inşaat materialları və üzlük daşlar da sərgilənib. Muzey və İnstitutun dəhlizlərindəki vitrinlər paleontoloji materiallarla da zəngindir. Nümayiş olunan materiallar devon, perm, yura, təbaşir, paleogen, neogen, dördüncü dövr faunası ikitayqabıqlılar, mərcanlar, ammonitlər, belem¬nitlər, dəniz kirpiləri və başqalarından ibarətdir. Bu zəngin fauna kolleksiyası Azərbaycanın strukturfasial zonaları üzrə fanerozoyun regional stratiqrafik sxemlərinin qurulmasında, müxtəlif mərtəbələr üzrə monoqrafiyaların yazılmasında, paleocoğrafi xəritələrin tərtib edilməsində faktiki material qismində istifadə edilə bilər.

Geoloji-Mineraloji muzeyin eksponatları İnstitut əməkdaşları ilə yanaşı gənc alim və dissertantların da işinə yarayır. Tələbə və magistrlər muzeyin eksponatları ilə əyani tanış olmaq, onlar haqqında məlumat bankından istifadə etmək imkanı əldə edirlər. Beləliklə, elmi kadrların hazırlanmasında muzeyin fəaliyyəti əsas yerlərdən birini tutur. Muzey digər tərəfdən eksponatlarının lazımi səviyyədə saxlanılmasını, onlar haqqında yeni çapdan çıxmış ədəbiyyatın toplanmasını təmin edir. Burada görkəmli alimlərin yaradıcılıq fəaliyyəti də geniş əks etdirilir.
Muzey öz fəaliyyətini genişləndirmək məqsədi ilə Respublikanın basqa muzeyləri ilə sıx əlaqə saxlayır, bəzi eksponatların yeniləri ilə dəyişdirilməsini təşkil edir və sistemləşdirmə işini mütəmadi həyata keçirir.

Beləliklə, Geoloji-Mineraloji muzeydə toplanmış bir-birindən gozəl və əhəmiyyətli mineral, süxur, filiz, fauna və s. nümunələr bütün təbiətsevənlərdə böyük maraq doğurur. Daha bir maraqlı fakt da odur ki, Geoloji-Mineraloji muzeyi eksponatlarının ilk kataloqu “Nafta-Press” nəşriyyatında çapdan çıxıb.Layihənin rəhbəri akademik Akif Əlizadə, nəşrə məsul GGİ-nin elmi işlər üzrə direktor müavini, AMEA-nın müxbir üzvü Dadaş Hüseynovdur.

Kataloqun fotolarını Şirməmməd Nəzərli və Tofiq Rəşidov çəkib


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

10 Avqust 2020, 18:00 (GMT +4)
İxrac malların gömrük proseduru ilə bağlı onlayn təlim keçiriləcək

10 Avqust 2020, 17:36 (GMT +4)
Livanın baş naziri istefa verib - KİV

10 Avqust 2020, 17:17 (GMT +4)
Neftçalada içməli su problemi aradan qaldırılır

10 Avqust 2020, 17:12 (GMT +4)
Azərbaycanda koronavirusa yoluxanların sayı 79-ə qədər azalıb, 278 nəfər isə sağalıb

10 Avqust 2020, 17:02 (GMT +4)
Prezident: “Qarabağ yatağı müstəqil Azərbaycan üçün böyük hədiyyə olmuşdur"

10 Avqust 2020, 16:59 (GMT +4)
Bağdadın cənubunda İŞİD tərəfindən planlanmış partlayışın qarşısı alınıb

10 Avqust 2020, 16:46 (GMT +4)
Bərdədə çətənə bitkisi yetişdirən şəxs saxlanılıb

10 Avqust 2020, 16:30 (GMT +4)
AFFA klublara toplar təqdim edib

10 Avqust 2020, 16:15 (GMT +4)
Dövlət Avtomobil Nəqliyyatı Xidmətinə yeni rəis müavini təyin edilib

10 Avqust 2020, 16:04 (GMT +4)
İranda son sutkada koronavirusdan 189 nəfərin ölümü qeydə alınıb

10 Avqust 2020, 16:00 (GMT +4)
İmtahanlarla bağlı məlumatlar artıq şəxsi səhifələrə göndərilir

10 Avqust 2020, 15:50 (GMT +4)
Azərbaycanda bu il 1253 məhbus vaxtından əvvəl azadlığa buraxılıb

10 Avqust 2020, 15:35 (GMT +4)
DYP: 244 hərəkət iştirakçısı inzibati məsuliyyətə cəlb edilib

10 Avqust 2020, 15:00 (GMT +4)
Qayda pozuntusuna görə 52,6 milyon manat məbləğində cərimələr tətbiq edilib

10 Avqust 2020, 14:45 (GMT +4)
Havanı çirkləndirən sexin sahibi cəzalanıb

10 Avqust 2020, 14:43 (GMT +4)
Beyrut partlayışında ölənlərin sayı 200-ü keçib

10 Avqust 2020, 14:32 (GMT +4)
Bərdədə daha 60 evə qaz verilib

10 Avqust 2020, 14:20 (GMT +4)
İlham Əliyev Belarus prezidentini təbrik edib  

10 Avqust 2020, 14:09 (GMT +4)
Prezident İlham Əliyev “Qarabağ” yatağının dayaq blokunun dənizə yola salınması mərasimində iştirak edib (FOTOLAR)

10 Avqust 2020, 13:55 (GMT +4)
Azərbaycanda sabaha gözlənilən hava şəraiti açıqlanıb

10 Avqust 2020, 13:41 (GMT +4)
Livanda daha bir nazir istefa verib

10 Avqust 2020, 13:30 (GMT +4)
Ağstafada top mərmisi aşkarlanıb

10 Avqust 2020, 13:16 (GMT +4)
Saatlıda karantini pozan kafenin sahibi və müştərilər cərimələnib

10 Avqust 2020, 13:00 (GMT +4)
Cinayət törətməkdə şübhəli bilinən 13 nəfər saxlanılıb

10 Avqust 2020, 12:46 (GMT +4)
İran xarici dövlətlərin Beyrut partlayışından sui-istifadəsi haqda xəbərdarlıq edib

10 Avqust 2020, 12:45 (GMT +4)
Monteneqro - Azərbaycan matçının stadionu bəlli olub

10 Avqust 2020, 12:30 (GMT +4)
Bakıda 18 km yol yenidən qurulur 

10 Avqust 2020, 12:15 (GMT +4)
Postlardan geri qaytarılan avtomobillərin sayı açıqlanıb

10 Avqust 2020, 12:04 (GMT +4)
Körfəz ərəb dövlətləri İrana qarşı silah enbarqosunun uzadılmasını istəyib

10 Avqust 2020, 12:00 (GMT +4)
Azərbaycan Ordusunun generalı vəfat edib

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66