Mobil versiya RU AZ
_




AZƏRBAYCAN » DİN

“Qadın hüquqlarının qorunmasında dini icmaların yeri və rolu” mövzusunda konfrans keçirilib

19 Sentyabr 2019, 18:13 (GMT +4)

Bakı, 19 sentyabr, SalamNews. Bu gün Dini Qurumlarla İş üzrə Dövlət Komitəsinin (DQİDK) və Ailə, Qadın və Uşaq Problemləri üzrə Dövlət Komitəsinin (AQUPDK) birgə təşkilatçılığı ilə “Qadın hüquqlarının qorunmasında dini icmaların yeri və rolu” mövzusunda konfrans keçirilib.

SalamNews xəbər verir ki, konfransda DQİDK və AQUPDK-nın təmsilçiləri, Qafqaz Müsəlmanları İdarəsinin nümayəndəsi, din xadimləri, qadın təşkilatlarının rəhbərləri, həmçinin, ictimaiyyət fəalları iştirak ediblər.

Tədbiri giriş sözü ilə açan Dini Qurumlarla İş üzrə Dövlət Komitəsinin İctimaiyyətlə əlaqələr şöbəsinin müdiri Yaqut Əliyeva DQİDK-nın həyata keçirdiyi maarifləndirmə tədbirlərinin əhəmiyyətinə toxunub.

Dövlət Komitəsi tərəfindən tolerantlıq mühitinin qorunması, müxtəlif dini etiqad mənsubları arasında qarşılıqlı hörmət, birgəyaşayış, dözümlülük mühitinin möhkəmlənməsi, eyni zamanda dini xurafat, fanatizm, radikalizm və ekstremizmin, dini zəmində qarşıdurma və ayrı-seçkilik hallarının, digər mənfi təzahürlərin qarşısının alınması istiqamətində müxtəlif səpkili tədbirlərin təşkil edildiyini diqqətə çatdırıb. Komitənin təşkilatçılığı ilə təkcə bu ilin birinci yarısında 250-dən çox tədbirin keçirildiyini vurğulayan şöbə müdiri təmsil etdiyi qurumun bu istiqamətdə aidiyyəti orqanlarla uğurlu əməkdaşlıq etdiyini qeyd edib. Qadın hüquqlarının qorunması, dini maarifləndirmə prosesində qadınların aktivliyinin təmin edilməsi ilə bağlı bölgələrdə silsilə konfransların təşkil olunduğunu bildirən Y.Əliyeva DQİDK-nın tabeliyindəki Mənəvi Dəyərlərin Təbliği Fondunun da qadın hüquqlarının qorunması ilə bağlı müxtəlif layihələr reallaşdırdığını deyib.

Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin müdiri Taliyə İbrahimova çıxışında qadın hüquqlarının pozulması ilə bağlı faktlara toxunub. Bildirib ki, insan hüquqlarının qorunması, xüsusilə bu hüquqlar çərçivəsində qadın hərəkatının inkişafı və azadlıqlarının təmin olunması istiqamətində qanunvericilik bazası genişləndirilib, cəmiyyətin müxtəlif sferalarında qadınların rolunun artırılması yolunda işlər görülür, gender bərabərliyi mövzusunda müzakirələr aparılır. Onun sözlərinə görə, bütün bunlara baxmayaraq cəmiyyətdə erkən nikah, qızların təhsildən yayınması kimi mənfi təzahürlərə rast gəlinir. Şöbə müdiri bu kimi hallarla mübarizədə din xadimlərinin üzərinə də böyük məsuliyyət düşdüyünü qeyd edib.

Daha sonra “Qadın haqları və dini icmalar” mövzusunda təqdimatla çıxış edən DQİDK-nın Təhlil və proqnozlaşdırma şöbəsinin müdiri Elnarə Kərimova İslamın qadına qazandırdığı hüquq və azadlıqlar, İslamda qadınların təhsil və tədrisinin əhəmiyyəti, qadın haqlarının qorunması məqsədilə dini icmaların üzərinə düşən vəzifələr kimi vacib məqamlara toxunub. E.Kərimova bildirib ki, Azərbaycan qadınının cəmiyyətdə rolunun bundan sonra da yüksəldilməsi, milli adət- ənənələr əsasında tərbiyə almış Azərbaycan qadınının millilik və müasirliyin vəhdətində öz mövqeyini gücləndirməsi çox vacib amildir.

Ölkəmizdə qadının sosial-siyasi həyatda fəal iştirakının reallaşdırılması və davamlılığının təmin edilməsi üçün ilk növbədə ailədə və cəmiyyətdə maarifləndirmə işləri aparılmalı, qadınları əzən, onları cəmiyyətdən təcrid edən stereotiplər və bu cür əxlaq normaları aradan qaldırılmalıdır. Bu məqsədlə cəmiyyətdə dini maarifləndirmənin, xüsusilə İslamda ailə dəyərləri, qadının mövqeyi, ona verilən dəyər mövzusunda təbliğatın aparılması çox vacibdir.

Şöbə müdiri vurğulayıb ki, qadının təhsilli olması, öz hüquqlarını bilməsi, düzgün dini bilgilərə malik olması, milli-mənəvi dəyərlərimizə bağlılığı bir ailənin, cəmiyyətin sağlam gələcəyi deməkdir. “Ana, həmçinin övlad üçün örnəkdir. Məhz örnək olduğu üçün qadının üzərində çox böyük vəzifələr, missiyalar düşür. Qadın təhsili, əxlaqı, məsuliyyəti, bütün müsbət keyfiyyətləri özündə birləşdirən bir insan olmalıdır ki, övladı onu örnək alarkən bütün bu xüsusiyyətləri də özünə örnək götürsün. Qadın cəmiyyətin tərbiyəçisidir. O, sahib olduğu dəyərləri öz övladına, yəni sabahın cəmiyyətinə ötürür” - deyə, şöbə müdiri sözlərinə əlavə edib.

AQUPDK-nın İnformasiya və Sosial Analitik Araşdırmalar şöbəsinin müdir müavini Aynur Veysəlova isə təqdimatında qadın hüquqlarının pozulmasında din adından sui-istifadə edilməsi kimi mənfi təzahürlər barədə danışıb. Bildirib ki, İslamda elm öyrənmək, təhsil almaq kişi və qadın fərqi qoyulmadan bütün müsəlmanlara vacib buyrulub. Bütün bunlardan sonra dünyəvi təhsilə qarşı çıxmaq, övladını məktəbdən uzaqlaşdırmaq, onu erkən nikaha sövq etmək xurafatın, cahilliyin ilkin formasıdır.

Qafqaz Müsəlmanları İdarəsinin sədr müavini Qəmər Cavadlı dini icmaların qadın hüquqlarının qorunmasındakı rolu və din xadimlərinin üzərlərinə düşən missiyanı uğurla həyata keçirməsi barədə danışıb. Eyni zamanda Azərbaycanda 4 icma rəhbərinin qadın olduğunu vurğulayan sədr müavini "Şəbnəm" Qızlar İslam Kollecinin Azərbaycanda qızlara ayrıca dini təhsil verən yeganə təhsil müəssisəsi olduğunu deyib.

Daha sonra Bakı Dövlət Universitetinin Ərəb Filologiyası kafedrası, Şərqşünaslıq fakültəsi, ilahiyyat üzrə fəlsəfə doktoru, dosent Səbinə Mirzəyeva, AMEA-nın Qadın Şurası Sosial iş və Analitika qrupunun rəhbəri, AMEA Fəlsəfə İnstitutu “Müasir Fəlsəfə problemləri” şöbəsinin elmi işçisi Mahrux Nəcəfli və Dilarə Əliyeva adına Qadın Hüquqlarının Müdafiəsi Cəmiyyətinin nümayəndəsi Əntiqə Qurbanova mövzu barədə fikirlərini bölüşüblər. Çıxışlarda “Həyat bilgisi” fənni çərçivəsində şagirdlərə ilkin dini biliklərin verilməsinin vacibliyi vurğulanıb. Tədbir qadın hüquqlarının qorunması, düzgün gender siyasətinin həyata keçirilməsi baxımından dini icmaların yeri və rolu barədə müzakirələrlə öz işini yekunlaşıb.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Yaqut Əliyeva: Azərbaycan qadınının cəmiyyətdə oynadığı rol daha da yüksəlib

Yaqut Əliyeva: Milli ideologiya hər bir xalqın irəliyə doğru inkişafının yol göstərəni və bələdçisidir

Yaqut Əliyeva: Yeniyetmələrin sosial şəbəkələrdən istifadəsinə ciddi nəzarət edilməlidir

Sosial şəbəkələr vasitəsilə dini radikal ideyalar geniş yayılır - Yaqut Əliyeva

Radikal qruplar intellektual səviyyəsi aşağı olan gəncləri təsirləri altına alırlar - Yaqut Əliyeva

Erkən nikah probleminin yaranmasında ictimaiyyət də məsuliyyət daşıyır - Yaqut Əliyeva

24 Sentyabr 2020, 14:01 (GMT +4)
Azercell abunəçilərinə hədiyyə balans qazandırır

24 Sentyabr 2020, 13:57 (GMT +4)
Fransa Fələstin ərazilərilə bağlı İsrail qarşısında tələb irəli sürüb

24 Sentyabr 2020, 13:53 (GMT +4)
DİM sədri ali məktəblərə qəbul olanlara müraciət edib

24 Sentyabr 2020, 13:47 (GMT +4)
Gürcüstan XİN rəhbəri: Azərbaycanın ərazi bütövlüyünü  birmənalı şəkildə dəstəkləyirik

24 Sentyabr 2020, 13:25 (GMT +4)
Azərbaycanda sabaha gözlənilən hava proqnozu açıqlanıb

24 Sentyabr 2020, 13:19 (GMT +4)
Ukrayna Lukaşenkonu Belarusun qanuni prezidenti kimi tanımayıb

24 Sentyabr 2020, 13:07 (GMT +4)
Naxçıvanda manqa komandirləri ilə təlim toplantısı keçirilib (FOTO)

24 Sentyabr 2020, 13:05 (GMT +4)
“Liviya Milli Ordusu” İŞİD-in Şimali Afrika üzrə liderinin öldürüldüyünü bildirib

24 Sentyabr 2020, 13:00 (GMT +4)
46 yaşında Bakı Ali Neft Məktəbini seçib

24 Sentyabr 2020, 12:48 (GMT +4)
Rusiyanın təxminən 20 min sakini koronavirusa yoluxaraq ölüb

24 Sentyabr 2020, 12:34 (GMT +4)
“Azərişıq” son 5 ildə itkiləri 5% azaldıb

24 Sentyabr 2020, 12:20 (GMT +4)
İsrail Nazirlər Kabineti iki həftəlik sərt karantin rejiminin tətbiqini təsdiləyib

24 Sentyabr 2020, 12:16 (GMT +4)
İran: Səudiyyənin dəstəklədiyi vəhhabilik İŞİD və əl-Qaidənin ilham mənbəyidir

24 Sentyabr 2020, 12:07 (GMT +4)
Siyəzən və Tərtər sakinlərindən silah götürülüb

24 Sentyabr 2020, 11:50 (GMT +4)
Trüdo Kanadada COVID-19-un ikinci dalğasının başladığını açıqlayıb

24 Sentyabr 2020, 11:23 (GMT +4)
"Aeroflot" aviaşirkəti Moskva-Bakı istiqamətində uçuşlara başlayıb

24 Sentyabr 2020, 11:23 (GMT +4)
Yaxın günlərdə daha bir ərəb dövləti İsraillə əlaqələri rəsmiləşdirəcək – ABŞ

24 Sentyabr 2020, 11:18 (GMT +4)
Bayden Trampla debatlara hazırlaşır 

24 Sentyabr 2020, 10:56 (GMT +4)
Prezident İlham Əliyev İsveçin yeni səfirinin etimadnaməsini qəbul edib

24 Sentyabr 2020, 10:55 (GMT +4)
Husi lideri Səudiyyəni Yəmənlə deyil, İranla qarşı-qarşıya gəlməyə çağırıb

24 Sentyabr 2020, 10:53 (GMT +4)
Türkiyə prezidenti ilə NATO baş katibi arasında telefon danışığı keçirilib

24 Sentyabr 2020, 10:40 (GMT +4)
Milli Məclisin deputatı İtaliyaya qəbul olmuş tələbələrə yardım edib

24 Sentyabr 2020, 10:35 (GMT +4)
“Azərişıq” şimal-qərb regionunda elektrik enerjisi təsərrüfatını yeniləyib

24 Sentyabr 2020, 10:20 (GMT +4)
Sepah generalı ABŞ qüvvələrinin bölgəyə gəlməsini müsbət hesab edib və səbəbini açılayıb

24 Sentyabr 2020, 10:15 (GMT +4)
Türkiyədə COVID-19-a yoluxan 270 mindən çox insan sağalıb

24 Sentyabr 2020, 10:13 (GMT +4)
Bərdə xəstəxanasında əməliyyat olunan 28 yaşlı qadın ölüb

24 Sentyabr 2020, 10:00 (GMT +4)
Nazirlər Kabineti büdcə məsələlərini müzakirə edib

24 Sentyabr 2020, 09:51 (GMT +4)
Livan prezidenti dünya ictimaiyyətini İsrailin bu ölkəyə və Suriyaya təcavüzünün qarşısını almağa çağırıb

24 Sentyabr 2020, 09:51 (GMT +4)
ABŞ Rusiyaya qarşı sanksiya siyahısını genişləndirib

24 Sentyabr 2020, 09:35 (GMT +4)
Deputat: Ermənistan çirkin planlarından əl çəkməsə, bu onlar üçün ağır nəticələrə səbəb olacaq

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66