Mobil versiya RU AZ
_




AZƏRBAYCAN » AVTOİDMAN

Nazir: Hər il yüksək peşəkarlıq göstərənlər arasından 80 nəfər növbəti yarışlara işçi olaraq cəlb olunurlar

25 Aprel 2019, 09:00 (GMT +4)

Bakı, 25 aprel, SalamNews. Azərbaycan dördüncü dəfə Formula 1 yarışına ev sahibliyi edəcək. Bu il Formula 1 rəhbərliyi ilə yeni müqavilə imzalanıb. Yarışın trasında heç bir dəyişiklik nəzərdə tutulmayıb. Əyləncə proqramında isə məşhur müğənnilər iştirak edəcəklər.

SalamNews xəbər verir ki, bu sözləri aprelin 24-də jurnalistlərlə görüşən Azərbaycanın gənclər və idman naziri Azad Rəhimov deyib.

Nazir bildirib ki, əyləncə proqramı çərçivəsində Sem Smitin konserti ləğv olub. Belə ki, Cənubi Afrika turu zamanı müğənninin səhhətində problem yaranıb və həkimlər konsert proqramlarının ləğvini məqbul hesab ediblər. Həmin gün digər məşhur müğənni Cessi Cey “Baku Crystal Hall”da S.Smiti əvəz edəcək. Aprelin 28-də isə Kardi Bi gözəl ifasını təqdim edəcək.

“Azərbaycan Qran-Prisinə hazırlıqla əlaqədar tikinti və montaj işləri birinci ildəki kimi böyük ölçüdə olmayıb. Ümumilikdə trekin konfiqurasiyası dəyişməz olaraq qalır. Hazırda İçərişəhər və Qız qalası tribunalarının tikinti işləri davam edir. Digər tribunaların tikintisi başa çatıb. Trekyanı baryerlər tam quraşdırılıb. Pit binası ilə əlaqədar görülən işlər başa çatdırılıb və komandalar Bakıya gəlir. Artıq Azərbaycan Qran-Prisinin titul sponsoru var. Belə ki, builki yarışımız Formula 1 SOCAR Azərbaycan Qran-Prisi adlandırılır. Hazırda sponsorların banerlərinin yerləşdirilməsi prosesi davam edir”, - deyə A.Rəhimov əlavə edib.

Nazir bildirib ki, Formula 1 Azərbaycan Qran-Prisi üçün Azərbaycan da daxil olmaqla, ümumilikdə 67 ölkədən bilet alınıb. İndiyədək satılan biletlərin 39 faizi Azərbaycandan, qalan hissəsi isə xaricdən alınıb. Xaricdən ən çox bilet Rusiya və Böyük Britaniyadan alınıb. Sonrakı sıralarda Avstriya, Gürcüstan və Niderland yer alır. İlk onluqda isə Türkiyə, Birləşmiş Ərəb Əmirlikləri, Ukrayna və ABŞ qərarlaşıb. Ümumilikdə xaricdən biletlərin 63 faizə yaxını 10 ölkədən alınıb. Filarmoniya tribunasına olan biletlərin hamısı satılıb. Bir neçə tribunada da biletlər tamamilə satılmaq üzrədir.

“Bakı Şəhər Halqası” Əməliyyat Şirkətində 113-ə yaxın daimi işçinin çalışdığını və bunlardan sadəcə 3-nün xarici ölkə vətəndaşı olduğunu diqqətə çatdıran nazir qeyd edib ki, yarışa yaxınlaşdıqca kadr sayı artır. Bu il ümumilikdə mindən çox işçi fəaliyyət göstərir. 2016-cı ildə keçirilən ilk yarışda 5 min, ondan sonrakı yarışlarda isə 3 min könüllü təşkilatçılıq işində iştirak edib. Bu il də prosesə 3 min könüllü qoşulacaq. Hər ötən il təcrübəli könüllülərlə yanaşı, əsasən yeni könüllülərə daha çox yer verilir. Bu könüllülərin 55 faizi qızlar, 45 faizi isə oğlanlardır. Yarışlara cəlb olunan bütün könüllülərin 90 faizi tələbələrdir. Bununla yanaşı, könüllülər komandasında 30-a yaxın ölkədən könüllü mövcuddur. Onların yarıdan çoxu Azərbaycan universitetlərində təhsil alan xarici tələbələrdir. Formula 1 üçün ilk könüllü proqramı elan olunandan bu günədək ötən 4 il ərzində könüllü olmaq üçün müraciət edənlərin sayı 50 mini ötüb. Hər il yüksək peşəkarlıq və fəallıq göstərənlər arasından 50-80 nəfər növbəti yarışlara işçi olaraq cəlb olunurlar. Bu il Formula 1 Azərbaycan Qran-Prisində 300 yeni marşal iştirak edir. Ümumilikdə Marşal Proqramına 1100 yerli, 140 xarici vətəndaş qəbul olunub.

A.Rəhimov vurğulayıb ki, “PricewaterhouseCoopers” (PwC) beynəlxalq audit şirkətinin 2017-ci ilin sonlarında apardığı müstəqil araşdırmanın nəticələrinə görə, Bakıda keçirilmiş ilk iki Formula 1 yarışı ölkə iqtisadiyyatına ümumilikdə 277,3 milyon dollar gəlir gətirib. Bu məbləğ yarışlar ərəfəsində F1 ilə əlaqədar olaraq Bakıya gələnlərin xərcləri əsasında yaranmış birbaşa və dolayı gəlirləri əhatə edir. Bu rəqəmə iqtisadiyyatın müxtəlif sahələrində, o cümlədən peşəkar xidmətlər, otel və mehmanxana, restoran, nəqliyyat, sosial və mədəni xidmətlər, kənd təsərrüfatı, poçt və telekommunikasiya, topdan ticarət və elektrik, qaz, su və digər sektorlarda qeydə alınmış gəlirlər daxildir. Birbaşa gəlirlərdə əsas yeri turizm sektoru tutur ki, Bakıda baş tutmuş iki Qran-Pri ərəfəsində qeydə alınmış birbaşa gəlirlərin 22,7 milyon dolları məhz bu sektorun payına düşür. Sözügedən dövr ərzində ümumilikdə birbaşa gəlirlər 164,2 milyon dollar təşkil edib ki, bu rəqəmə F1 ilə əlaqədar Bakıya gələn qonaq və yarış iştirakçılarına mehmanxana, restoran, nəqliyyat və s. istiqamətlər üzrə təqdim olunmuş məhsul və xidmətlər, həmçinin bu məhsul və xidmətlərlə birbaşa əlaqədə yaranmış digər gəlirlər daxildir. İndiyədək Bakıda keçirilmiş iki Qran-Pri ərəfəsində dolayı gəlirlər isə ümumilikdə 113,1 milyon dollar təşkil edib. Bu gəlirlərin içərisində yenə şəhərin turizm sektoru 14,9 milyon dollarla ən çox iqtisadi fayda götürən sektor olub.

“Hazırda Formula 1 dünya çempionatı 21 mərhələdən ibarətdir. Ölkəmizdə ilk yarış iyunda təşkil olunmuşdu. Biz danışıqlar aparırıq ki, yarış növbəti illərdə də iyunda keçirilsin. Hazırda 4 ölkə Qran-Pri təşkil etmək üçün sıra gözləyir. MDB ölkələri arasında yalnız Azərbaycan və Rusiya Formula 1 yarışlarına ev sahibliyi edir”, - deyə nazir əlavə edib.

Qeyd edək ki, Formula 1 SOCAR Azərbaycan Qran-Prisi aprelin 26-28-də Bakı şəhər halqasında təşkil olunacaq.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Azad Rəhimov beynəlxalq təşkilatlara məktub ünvanlayıb

Azad Rəhimov İƏT Gənclər paytaxtı Dəkkəni təbrik edib

Nazir Azad Rəhimov Zirvə Toplantısında çıxış edib

Nazir Azad Rəhimov gənc liderlərlə görüşüb

Azad Rəhimov vətəndaşlarla görüşüb

Azad Rəhimov: Avropa çempionatının 4 oyununun Bakıda keçirilməsi böyük sınaqdır

Azad Rəhimov Baş Assambleyaların məhz Zirvə Toplantılarından öncə keçirilməsini təklif etdi (FOTOLAR)

Nazir Azad Rəhimov vətəndaşlarla görüşüb

Azad Rəhimov Druskininkay şəhər meri ilə görüşüb

Azad Rəhimov Beynəlxalq idman forumuna dəvət edilib

Nazir Azad Rəhimov Abşeron sakinləri ilə görüşüb

Gənclər və İdman naziri Azad Rəhimov xüsusi mükafata layiq görülüb (FOTO)

Azad Rəhimov Strasburqa işgüzar səfərdədədir

Nazir Azad Rəhimov müsəlman gəncləri təbrik edib

Nazir Azad Rəhimov gənc şahmatçıları təbrik edib

Azad Rəhimov: İdmançılarımızın qazandığı medalların sayı bizi qane edir

Azad Rəhimov ordenlə təltif edilib

Azad Rəhimov media nümayəndələrini təbrik edib

Azad Rəhimov: İdman obyektləri və Atletlər kəndi festivala tam hazırdır

Azad Rəhimov: Avropa Gənclər Yay Olimpiya Festivalına tam hazırıq

26 Yanvar 2021, 00:47 (GMT +4)
FHN: Xırdalanda dağıntılar altından bir nəfərin cəsədi çıxarılıb

25 Yanvar 2021, 23:42 (GMT +4)
FHN: Xırdalandakı partlayış nəticəsində 6 nəfər xəstəxanaya yerləşdirilib (Yenilənib)

25 Yanvar 2021, 19:19 (GMT +4)
Xırdalanda partlayış olub, dağıntılar altından 2 nəfər çıxarılıb

25 Yanvar 2021, 18:00 (GMT +4)
Bakıda evlərdən oğurluq edən şəxslər tutulub

25 Yanvar 2021, 17:50 (GMT +4)
Ötən il İraq həbsxanalarından və uşaq evlərindən qayıtmış 194 uşaq-dan 83-ü dövlət qeydiyyatına alınıb

25 Yanvar 2021, 17:47 (GMT +4)
Putin yetkinlik yaşına çatmayanların icazəsiz aksiyalara cəlb edilməsinə münasibət bildirib

25 Yanvar 2021, 17:45 (GMT +4)
Şəhid ailəsi üzvlərinin bir hissəsi azadlığa buraxılıb

25 Yanvar 2021, 17:39 (GMT +4)
"Azercell"in LTE şəbəkəsinin əhatə dairəsi 85%-i ötüb

25 Yanvar 2021, 17:32 (GMT +4)
Baş Prokurorluqda başlanmış 62 cinayət işi üzrə 21 şəxs barəsində axtarış elan edilib

25 Yanvar 2021, 17:23 (GMT +4)
XİN Ceyhun Bayramov və Cavad Zərifin görüşünə dair məlumat yayıb

25 Yanvar 2021, 17:17 (GMT +4)
Əfqanıstanda İtaliya səfirliyinin avtomobili partladılıb, yaralananlar var

25 Yanvar 2021, 17:17 (GMT +4)
MN Füzuli rayonunun Kürdlər kəndindən videogörüntülər hazırlayıb

25 Yanvar 2021, 17:11 (GMT +4)
Putin Gəlincikdəki "saray" ilə bağlı aparılan araşdırmanı şərh edib

25 Yanvar 2021, 17:06 (GMT +4)
Ağstafa sakinindən narkotik vasitə götürülüb

25 Yanvar 2021, 17:00 (GMT +4)
Bakıda avtomobil piyadanı vuraraq öldürüb

25 Yanvar 2021, 16:53 (GMT +4)
NRYTN-in Apellyasiya Şurasının növbəti iclası keçirilib

25 Yanvar 2021, 16:42 (GMT +4)
Putin Rusiyada epidemioloji vəziyyətin sabitləşdiyini açıqlayıb

25 Yanvar 2021, 16:42 (GMT +4)
Şəmkir sakinlərindən silah aşkarlanıb

25 Yanvar 2021, 16:31 (GMT +4)
Ötən il 2 072 məhkum cəzadan şərti azad edilib

25 Yanvar 2021, 16:21 (GMT +4)
Azərbaycan XİN rusiyalı deputatın adını «qara siyahı»ya salıb

25 Yanvar 2021, 16:15 (GMT +4)
Bağdad partlayışından sonra onlarla İŞİD üzvü barədə edam hökmü çıxarılıb

25 Yanvar 2021, 16:14 (GMT +4)
Çavuşoğlu: Dəniz quldurları tərəfindən öldürülən azərbaycanlının nəşi Qabona gətirilib

25 Yanvar 2021, 16:05 (GMT +4)
Mehriban Əliyeva yenidən Azərbaycan Gimnastika Federasiyasının prezidenti seçilib

25 Yanvar 2021, 15:58 (GMT +4)
İngiltərə ölkəyə gələnlər üçün karantini sərtləşdirməyi planlaşdırır

25 Yanvar 2021, 15:53 (GMT +4)
Azərbaycan Qarabağda vuruşan 17 muzdlu döyüşçü barəsində axtarış elan edib

25 Yanvar 2021, 15:40 (GMT +4)
Qəbələdə evi tərk edən koronavirus xəstəsi saxlanılıb

25 Yanvar 2021, 15:30 (GMT +4)
Ötən il ali dövlət mükafatları ilə təltif edilən prokurorluq işçilərinin sayı açıqlanıb

25 Yanvar 2021, 15:20 (GMT +4)
Avstriya sakinləri maska yerinə respirator taxmağa məcbur edilir

25 Yanvar 2021, 15:20 (GMT +4)
Milli Depozit Mərkəzi yeni strateji planını açıqlayıb

25 Yanvar 2021, 15:10 (GMT +4)
Astarada narkotik alverçisi tutulub 

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66