Mobil versiya RU AZ
_




AZƏRBAYCAN » AVTOİDMAN

Azərbaycanın dünyaya tanıdılmasında Formula 1 bizə çox böyük dəstək oldu - Nigar Arpadarai (MÜSAHİBƏ)

14 Aprel 2017, 14:20 (GMT +4)

Bakı, 14 aprel, SalamNews, K.Orxan. Bakı Şəhər Halqasının (BŞH) marketinq və kommunikasiya şöbəsinin rəhbəri Nigar Arpadarai paytaxta görülən son işlərlə, biletlərin satışıyla, jurnalistlər üçün keçiriləcək təlimlə, o cümlədən yarışı izləyəcək vətəndaşlarla bağlı SalamNews-a geniş müsahibə verib.

- Formula 1 yarışına hazırlıq işlərilə bağlı hazırda son vəziyyət necədi?

- İlk öncə onu qeyd edim ki, yarışa çox az vaxt qalıb. Biz çalışırıq ki, başladığımız bütün işləri yekunlaşdıraq, Bakı trasını hazır vəziyyətə gətirək. Ümumilikdə isə bizim işlərimiz ötən ilin sentyabr ayından başlayıb. Ötən ilin dekabr, noyabr aylarından hədəf seçdiyimiz ölkələrdə təbliğat işləri aparılır. Çoxsaylı tədbirlər, kampaniyala, fanatların toplaşdığı yerlərdə xüsusi aksiyalar keçirilir. Bununla yanaşı bizim könüllülərin, marşalların qeydiyyatı bu aylar ərzidnə aparılır və onların hamısı qrup halında təlimlərə başlayıb. Digər tərəfdən Pit binasında dayanacaqlar olan hissədə tikinti işləri aparılır. Tras boyu təhlükəsizlik baryerləri qurulmağa başlayıb. Hazırda da işlər öz sürəti ilə davam edir.

- Sevindirici haldır ki, Filarmoniya tribunasında bütün yerlər tamamilə satılıb. Bu barədə fikilərinizi bilmək istərdik.

- Builki yarışa maraq çox artıb. Ötən il yarışa başladığımız zaman biz gözləyirdik ki, gələn il yarışa maraq çox olacaq, biletlər daha da çox satılacaq. Çünki, bilirdik ki, Bakı canlı yayımda göstəriləndən sonra, insanlar Qran Prini görəndən sonra daha çox maraq olacaq. Belə də oldu. Hazırda biletlərin 66 faizi xarici ölkələrə satılıb. Biletlərin satış xəritəsinə baxsaq, orada 48 ölkədən bilet alındığının şahidi olarıq. Bu rəqəm isə daima artır. Azərbaycan vətəndaşları da yarışa böyük maraq göstərirlər. Bu da bizi çox sevindirir.

- Jurnalistlərin akkreditasiyası ilə bağlı son məlumat necədi ?

- BŞH-ə 100-ə yaxın media qurumdan jurnalist yarışda akkreditasiya üçün müraciət edib. Jurnalistlərimiz görürlər ki, aylar keçdikcə biz onlarla daha da sıx əməkdaşlıq edirik. Bu aylar ərzində jurnalistlər üçün bir neçə təlimlər keçirilib. Ən böyük təlimimiz isə yanvar ayında oldu. İki gün ərzində beynəlxalq təlimçi Dan Mason və Formula-1 yarışının şərhçisi Aleksey Popov media nümayəndələrinə "Formula-1" yarışına hazırlıqla bağlı, o cümlədən bu sahədə olan yeniliklərlə bağlı ətraflı məlumat verdilər. 

Aprel ayının sonunda yerli jurnalistlərimiz üçün daha bir təlimimiz olacaq. Avropa Oyunları Parkında yerləşən Bakı Marşal Mərkəzində “Formula-1 yarışının ümumi qaydaları ilə nəzəri və praktiki tanışlıq” mövzusunda ikigünlük təlim keçirəcəyik. Bu günlər ərzində çalışacağıq ki, media nümayəndələrini Forumula 1 dünyasına gətirək ki, onlar da reqlamenti, qaydaları bilsinlər. Bildiyiniz kimi bu yarış elə də asan bir idman növü deyil. Orada kifayət qədər kompleks məsələlər var. Onu anlamaq üçün bir müddət izləmək lazımdır. Jurnalist ilk növbədə trekdə nə baş verdiyini dərindən bilməlidir. 

- BŞH operativ olaraq mətbuata yollarda aparılan işlərlə bağlı məlumat verir. Ümumiyyətlə yarış zamanı nəqliyyatın hərəkəti necə tənzimlənəcək?

- Qarşıdakı günlərdə biz paytaxt sakinlərinə də bildirəcəyik ki, Niyazi küçəsində olan qəmbər daşlar asfalt qatı ilə yenilənəcək. Keçən il də vəd etdiyimiz kimi, 6 km-lik asfalt ərazisi olduğu kimi qalır. Sadəcə olaraq Niyazi küçəsində asfalt salınacaq. Yarış bitdikdən sonra isə həmin küçə olduğu kimi öz vəziyyətinə qaytarılacaq. Bu barədə də ictimaiyyətə məlumat veriləcək.

- FİA nümayəndələri yola baxış keçirmək üçün Bakıya gələcəklər?

- Beynəlxalq Avtomobil Federasiyasının (FİA) yarış direktoru və təhlükəsizlik məsələləri üzrə səlahiyyətli nümayəndəsi Çarli Vaytinqin başçılıq etdiyi nümayəndə heyəti yarışdan əvvəl trekdə görülən hazırlıq işlərini yoxlamaq üçün Bakıya gələcək. Ç.Vaytinq yolların vəziyyətinə qiymət verdikdən sonra yarış açıq hesab olunacaq.

- Siz xarici ölkələrdə mütamadi olursunuz. Hansısa ölkədə bizim şəhər trasının bənzəri varmı?

- Bildiyiniz kimi yarışlar dünyanın 20 ölkəsində keçirilir. Hər bir Qran Prinin trasının öz özəlliyi var. Bizim Bakı trassı isə çox gözəl, unikaldır. Həmçinin bu şəhər trasıdır. Şəhər trassı Monoko, Sinqapurda var. Bizim trassı bəziləri Monokoya, həmçinin Sinqapura bənzədirlər. Lakin mən hesab edirəm ki, bizim çox özəl və unikal trasımız var. Çünki, bu trass vasitəsi ilə köhnə Bakını göstərə bilirik. Trass boyu Qoşa Qala, İçərişəhər, Qızqalası var. Həmçinin yeni tikiliilərimiz də var ki, bu da öz-özlüyündə Bakı trasının unikal olmasının göstəricisidir.

- Artıq Azərbaycan idman ölkəsi kimi tanınır. Nə zamansa Azərbaycanda yarışların şəhər trasında deyil, stasionar trasda keçirilməsi planlaşdırılırmı?

- Bu sualı mən yox, aidiyyatı dövlət qurumları cavablandırmalıdır. İndiki mərhələdə bizdə olan cavab budur ki, hələ ki, şəhər trası olacaq. Əsas məqsədimiz ölkənin turizm potensialına bir töhfə verməkdir. Bunun üçün biz turistləri Bakıya dəvət edib, paytaxtın gözəlliyini onlara göstərməliyik. Lakin avto idmana maraq daha da artarsa, ola bilər ki, dövlət tərəfindən belə bir qərar qəbul edilsin ki, şəhərdən kənarda bir tras tikilsin.

- Hansı dünya şöhrətli idmançıların bu yarışlarda iştirak edəcəyi gözlənilir?

- Ötən il bütün Qran Prilərdə iştirak edən pilotların hamısı bu ildə də Bakı yarışına qatılacaqlar. Bilet alan insanların avtoqraf sessiyalarına qoşulmalarına xüsusi imkan yaradılacaq. Bu həm də pilotlarla ünsiyyət deməkdir. Bu baxımdan hər şey plana uyğun aparılır.

- Bileti alıb yarışı izləyəcək vətəndaşlarımıza nələri tövisyyə edərdiniz?

- Hər şeydən öncə onu bildirmək istəyirəm ki, Formula 1 yarışı doğurdanda böyük bir tədbirdi. Biz keçən il də gördük ki, bu yarış keçirildikdən sonra dünya mediasında Azərbaycanın, Bakının tanıdılması üçün bu yarış bizə çox böyük dəstək oldu. Biz bunu bilet satışından, ölkəyə gələn turistlərin sayının çoxalmasından da görürük. Dövlətin keçirdiyi tədbirlərin sırasında Formua 1 yarışının olması əminik ki, uğurlu bir nəticəyə gətirib çıxardacaq.

Digər tərəfdən bilet alan insanları əmin edirik ki, onlar üçün çox maraqlı bir proqram hazırlanıb. Belə ki, bilet alan insanlar həm gəlib yarışı izləyə biləcəklər, həmçinin 2 km-lik bulvar ərazisində çox saylı əyləncələrə pulsuz qatıla biləcəklər. Həmçinin 3 dünya ulduzunun konsert proqramın da iştirak edə biləcəklər. Biz hələ ki, dünya ulduzlarının adlarını bəlli etmirik. Amma əminik ki, adlar açıqlandıqdan sonra bizim bilet satışımız daha da artacaq.

Üzümu vətəndaşlara tutub deyərdim ki, indidən bilet almağa tələssinlər. Artıq Filarmoniya tribunasına bütün yerlər satılıb. Digər tribunalarda satışlar yaxşı gedir. Ümid edirik ki, xaricilərlə yanaşı, ölkə vətəndaşlarımız da bu yarışı izləyəcəklər. 


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Formula 1: “Ferrari” rəsmi adını dəyişib

Formula 1 rəhbərliyi yeni komandalar haqqında bəyanat verib

Formula 1 üzrə Azərbaycan Qran-prisinin biletləri bu ay satışa çıxarılacaq

Nigar Arpadarai: 2019 Formula 1 Azərbaycan Qran-prisi kommersiya baxımından ən sərfəlisi olub

Formula 1: Zandfort trası lisenziyanı yanvarda alacaq

Şarl Lekler Formula 1 üzrə Belçika Qran-prisinin qalibi olub

Formula 1 üzrə Azərbaycan Qran-prisi gələn ilin iyun ayında keçiriləcək

Arif Rəhimov Monakoda "Formula 1"lə bağlı iqtisadi forumda iştirak edib

Formula 1 üzrə üçqat dünya çempionu Niki Lauda vəfat edib

Formula 1 SOCAR Azərbaycan Qran Prisi: Yarış həftəsonuna 85 min tamaşaçı gəlib

Formula 1 SOCAR Azərbaycan Qran Prisi 2019-a dair maraqlı faktlar açıqlanıb

Bakıda Formula 1-ə görə bağlanan yollar açılıb

Formula 1 SOCAR Azərbaycan Qran-Prisinin qalibi məlum olub

Azərbaycan Prezidenti Formula 1-in açılış mərasimində iştirak edir 

Formula 1 SOCAR Azərbaycan Qran Prisi 2019-un açılışının əsas özəllikləri açıqlanıb

Formula 1 üzrə SOCAR Azərbaycan Qran-prisində sıralama turu başa çatıb

Formula 1: "Ferrari"nin pilotu üçüncü sərbəst yürüşün də qalibi olub

Formula 1 iştirakçıları üçün Bakı bulvarında dron və robot nümayiş olunur

“Formula 1”: Üçüncü sərbəst yürüş başlayıb

“Formula 1”də növbəti qəza baş verib

14 Oktyabr 2019, 18:00 (GMT +4)
Nazirlik: 53 955 şagirdin digər təhsil müəssisəsinə yerdəyişməsinə icazə verilib

14 Oktyabr 2019, 17:54 (GMT +4)
Ekologiya və Təbii Sərvətlər naziri və müavinləri vətəndaşlarla görüşəcəklər

14 Oktyabr 2019, 17:46 (GMT +4)
UEFA Fransa-Türkiyə matçı ilə bağlı qərarını açıqlayıb

14 Oktyabr 2019, 17:45 (GMT +4)
Azərbaycan və Litva arasında olan dostluq əlaqələri müzakirə edilib

14 Oktyabr 2019, 17:38 (GMT +4)
Azərbaycan hökuməti elektron ticarətlə bağlı platformaları inkişaf etdirmək istəyir

14 Oktyabr 2019, 17:31 (GMT +4)
Səudiyyə-İran əlaqələrinin düyünü Yəmən müharibəsinin bitməsilə açılacaq - Ruhani

14 Oktyabr 2019, 17:30 (GMT +4)
ETSN-də Almaniyanın Azərbaycandakı səfiri ilə görüş keçirilib

14 Oktyabr 2019, 17:23 (GMT +4)
Bakıda Dünya Türk Biznes Şurasının görüşü keçirilir

14 Oktyabr 2019, 17:15 (GMT +4)
İspaniyada katalon siyasətçilərə hökm oxunub 

14 Oktyabr 2019, 17:02 (GMT +4)
Litvanın Druskininkay şəhərinin meri Bakıda səfərdədir

14 Oktyabr 2019, 16:56 (GMT +4)
Azərbaycan idmançıları Avropa çempionatında 4 medal qazanıblar

14 Oktyabr 2019, 16:49 (GMT +4)
Türkiyənin Suriyada keçirdiyi əməliyyat gərginliyi artıra bilər - NATO

14 Oktyabr 2019, 16:47 (GMT +4)
Putin Səudiyyə Ərəbistanına rəsmi səfərə gedib

14 Oktyabr 2019, 16:43 (GMT +4)
Nazir: İlin sonundək 19 növ müavinət proaktiv xidmət kimi vətəndaşlara təqdim ediləcək

14 Oktyabr 2019, 16:36 (GMT +4)
Peskov Suriyada Rusiya ilə Türkiyə arasında toqquşma ehtimalını şərh edib

14 Oktyabr 2019, 16:30 (GMT +4)
Prezident İlham Əliyev Rəcəb Tayyib Ərdoğan ilə görüşüb 

14 Oktyabr 2019, 16:23 (GMT +4)
Azərbaycan Ordusunda “NATO günləri” başlayıb

14 Oktyabr 2019, 15:53 (GMT +4)
YPG-nin İŞİD-çiləri qaçırdığını müəyyən etdik - Hulusi Akar

14 Oktyabr 2019, 15:36 (GMT +4)
Türkiyə Prezidenti Rəcəb Tayyib Ərdoğan Azərbaycana gəlib (FOTOLAR)

14 Oktyabr 2019, 15:36 (GMT +4)
İran Kəşfiyyatı CİA-nın dəstəklədiyi təxribatçı saytın rəhbərini ələ keçirdiyini bildirib

14 Oktyabr 2019, 15:22 (GMT +4)
Elmar Məmmədyarov Türk Akademiyasının Prezidenti ilə görüşüb

14 Oktyabr 2019, 15:12 (GMT +4)
Azərbaycan və Özbəkistan prezidentlərinin görüşü olub

14 Oktyabr 2019, 15:06 (GMT +4)
İqtisadiyyat üzrə Nobel mükafatçılarının adları açıqlanıb

14 Oktyabr 2019, 14:54 (GMT +4)
Ərbəin zəvvarlarına hücum etmək istəyən iki terror qrupu zərərsizləşdirilib

14 Oktyabr 2019, 14:45 (GMT +4)
Vasim Məmmədəliyevin vəfatı ilə əlaqədar nekroloq imzalanıb

14 Oktyabr 2019, 14:43 (GMT +4)
Ərdoğan NATO-nu Türkiyə ilə terrorçular arasında seçim etməyə çağırır

14 Oktyabr 2019, 14:29 (GMT +4)
Azərbaycan vətəndaşları bundan sonra da qeydiyyat olmadan Qazaxıstanda qala biləcəklər

14 Oktyabr 2019, 14:25 (GMT +4)
Tanınmış din alimi müctəhid Ayətullah Şirazi xəstəxanaya yerləşdirilib

14 Oktyabr 2019, 14:19 (GMT +4)
Özbəkistan Prezidenti Azərbaycana səfərə gəlib

14 Oktyabr 2019, 14:05 (GMT +4)
AB ölkələri Türkiyəyə silah embarqosunun tətbiqini müzakirə edəcəklər

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66