Mobil versiya RU AZ
_




AZƏRBAYCAN » MEDİA

"Le Carrefour" qəzetinin Frankofoniya həftəsində təqdimatı keçirilib (FOTO)

06 Aprel 2017, 13:24 (GMT +4)

Bakı, 6 aprel, SalamNews. Azərbaycanda Fransız İnstitutunda Azərbaycanın yeganə fransızdilli mətbu nəşri olan “Le Carrefour” (Yol qovşağı) qəzetinin və www.lecarrefour.az saytının Azərbaycanda Frankofoniya həftələri çərçivəsində təqdimatı keçirilib.

SalamNews xəbər verir ki, tədbirdə Fransanın Azərbaycandakı səfiri Orelia Buşez, Milli Məclisin Beynəlxalq münasibətlər və parlamentlərarası əlaqələr komitəsinin üzvü, millət vəkili Cavanşir Feyziyev, Mətbuat Şurasının sədri, millət vəkili Əflatun Amaşov, millət vəkili, “Yeni Azərbaycan” qəzetinin baş redaktoru Hikmət Babaoğlu, millət vəkili Kamran Nəbizadə, “Milli Məclis” jurnalının baş redaktoru Ülviyyə Abdullayeva, “525-ci qəzet”in baş redaktoru Rəşad Məcid, Fransa səfirliyinin, müxtəlif media təşkilatları və orqanlarının rəhbərləri və nümayəndələri, fransız dili üzrə mütəxəssislər və media nümayəndələri iştirak ediblər.

Qəzetin təsisçisi və baş redaktoru Zeynab Kazımova “Le Carrefour” qəzetinin yaranması tarixindən, qəzetin ilk nəşrinin çapından, hazırkı durumundan, qəzetin elektron versiyasının fəaliyyətindən danışıb. Qəzetin yaradılmasında əsas məqsədin Azərbaycan-Fransa əlaqələrinin inkişafına dəstək vermək və Azərbaycanın təbliği olduğunu vurğulayan Z.Kazımova qəzetin və saytın fəaliyyətinin Azərbaycan-Fransa münasibətlərinin media sahəsindəki əməkdaşlığına yönəldiyini bildirib. O, deyib ki, 2007-ci ildən fəaliyyət göstərən qəzetin bu il 10 yaşı olacaq. Z.Kazımova qəzetin 2009-cu ildən yaradılan www.lecarrefour.az saytının hazırda həm də gündəlik xəbər portalı kimi uğurlu fəaliyyətindən söz açıb.

O, Azərbaycanın təbliği və tanıdılması, o cümlədən Ermənistan-Azərbaycan, Dağlıq Qarabağ münaqişəsi və ümumilikdə, Azərbaycan həqiqətlərinin fransızdilli xarici auditoriyaya çatdırılmasında qəzetin və saytın ölkəmizdəki və dünyadakı frankofon oxuculara istiqamətləndiyini bildirib. Baş redaktor qəzetin fəaliyyətinin həm də Fransanın ölkəmizdə tanıdılması, Fransaşünas, fransız dili üzrə təhsil alan, bu dillə maraqlanan və fransız dilini sevən insanların böyük maraqla izlədiyini və onların maraq dairəsində olduğunu deyib. Z.Kazımova qəzetin Fransanın TV5 Monde və Beynəlxalq Fransızdilli Mətbuat Birliyi ilə əlaqələrindən də danışıb. O, “Le Carrefour” qəzetinin təşəbbüsü ilə Azərbaycan Mətbuat Şurası ilə birgə dəfələrlə Azərbaycanda xaricidilli medianın fəaliyyəti ilə bağlı müxtəlif tədbirlərin, dəyirmi masaların təşkil olunduğunu da diqqətə çatdırıb.

Fransanın Azərbaycandakı səfiri Orelia Buşez qəzetin fəaliyyətini yüksək qiymətləndirib. 10 yaşını qeyd edəcək qəzetin Azərbaycan-Fransa əlaqələrinin inkişafında daha geniş rol oynayacağına inamını ifadə edib. Azərbaycanla Fransa arasında əlaqələrin yaranmasının bu il 25 ilinin tamam olduğunu vurğulayan səfir iki ölkənin bütün sahələrdə əməkdaşlıq etdiyini deyib. O, Azərbaycanda yeganə frankofon qəzetin mövcudluğundan məmnun olduğunu deyib. O.Buşez Frankofoniya həftələri çərçivəsində Azərbaycanda müxtəlif tədbirlərin təşkil olunduğunu bildirərək qeyd edib ki, Azərbaycanda Frankofoniya həftələri iki ölkə arasındakı münasibətlərin daha da inkişaf etməsinə kömək edəcək. “Qəzetin hazırkı fəaliyyəti fransızdilli oxucuları sevindirir, həmçinin bu qəzetin universitetlərlə və müxtəlif təşkilatlarla əməkdaşlığı məqsədə müvafiqdir” – deyə səfir vurğulayıb. Xanım səfir qəzetə fəaliyyətində uğurlar arzulayıb.

Azərbaycan Mətbuat Şurasının sədri, Milli Məclisin deputatı Əflatun Amaşov qeyd edib ki, “Le Carrefour” qəzeti Azərbaycan Mətbuat Şurasının üzvüdür və ölkəmizdə yeganə fransızdilli qəzetdir. “Le Carrefour” qəzetinin rəhbərliyi ilə Azərbaycanda xaricidilli medianın fəaliyyətinə həsr olunmuş bir sıra tədbirlər keçirilib. “Ölkəmizdə fransız dili sevilir, məktəb və universitetlərdə tədris olunur. Bu dil azərbaycanlıların sevdiyi Hüqonun, Zolyanın, Volterin, Balzakın dilidir” – deyə Ə.Amaşov qeyd edib. O, qəzetə fəaliyyətində uğurlar arzulayıb.

Milli Məclisin deputatı Cavanşir Feyziyev Azərbaycanda fransızdilli qəzetin fəaliyyət göstərməsini yüksək qiymətləndirərək bunun vacibliyindən söz açıb. Azərbaycan və Fransa arasında əlaqələrə toxunan deputat qeyd edib ki, fransız dili sovet dövründə də Azərbaycanda geniş yayılıb və istifadə olunub. Həmin dövrdə də tələbələr Fransaya təhsil almaq üçün yollanırdılar. Xanım səfirin fəaliyyətini yüksək qiymətləndirən deputat deyib ki, bu, Fransa-Azərbaycan əlaqələrinin daha da dərinləşməsinə kömək edəcək. Cavanşir Feyziyev “Le Carrefour” qəzetinin iki ölkə arasında media sahəsində əməkdaşlıqda körpü rolunu oynadığını bildirib.

Milli Məclisin deputatı, “Yeni Azərbaycan” qəzetinin baş redaktoru Hikmət Babaoğlu isə ölkəmizdə nəşr olunan fransızdilli qəzetin Azərbaycan həqiqətlərinin dünyaya çatdırılmasında bir vasitə olduğunu bildirib. İşğalçı Ermənistanın Fransada tarixən formalaşmış böyük diasporu olduğunu deyən deputat bu ölkədə işğalçı Ermənistanın daha çox təbliğ edildiyini bildirərək, Azərbaycanda fransızdilli qəzetin fəaliyyət göstərməsinin çox önəmli olduğunu və bu baxımdan fəaliyyətini yülksək dəyərləndirib.

“525-ci qəzet”in baş redaktoru Rəşad Məcid rəhbəri olduğu qəzetlə “Le Carrefour” qəzeti arasında 2009-cu ildən qurulmuş yaradıcılıq əməkdaşlığı olduğunu bildirib. Ölkənin yeganə fransızdilli nəşrinin fransızdilli auditoriyaya Azərbaycan həqiqətlərini çatdırdığını, 10 illik fəaliyyəti dövründə fransızdilli əcnəbilərə məlumat verməklə, məqalələr çap etməklə Azərbaycanı təbliğ etdiyini vurğulayıb. O, qəzetə gələcək fəaliyyətində uğurlar arzulayıb.


Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

Fransızdilli “Le Carrefour” qəzetinin 10 yaşı tamam olub

Beynəlxalq Fransızdilli Mətbuat Birliyinin saytında “Le Carrefour” qəzeti haqqında məlumat yerləşdirilib

Fransa televiziyası Azərbaycanın yeganə fransızdilli qəzeti “Le Carrefour” haqqında məlumat yayıb

“Le Carrefour” qəzeti Azərbaycanın təbliğatını yüksək səviyyədə aparır - Əflatun Amaşov

Fransızdilli “Yol qovşağı” (Le Carrefour) qəzetinin saytı fəaliyyətə başlayıb

03 İyun 2020, 19:35 (GMT +4)
İbrahim Məmmədov: Cümə günü axşamdan bazar ertəsi səhərə kimi hərəkət tam məhdudlaşdırılacaq

03 İyun 2020, 19:15 (GMT +4)
Azərbaycanda daha 325 nəfər koronavirusa yoluxub, 5 nəfər vəfat edib

03 İyun 2020, 18:04 (GMT +4)
Tərtərin Xoruzlu kəndində yeni ümumtəhsil məktəbi tikiləcək

03 İyun 2020, 17:53 (GMT +4)
SABAH qruplarına tələbə seçimi müsabiqəsinə başlanılıb

03 İyun 2020, 17:40 (GMT +4)
“Neftçi” klubu qapıçı Kamran İbrahimov ilə yeni müqavilə imzalayıb

03 İyun 2020, 17:40 (GMT +4)
Tramp Minneapolisdə iğtişaşların qarşısının alınmasına görə özünə təşəkkür edib

03 İyun 2020, 17:19 (GMT +4)
BMT baş katibi ABŞ nümayişçilərini dinc aksiya keçirməyə çağırır

03 İyun 2020, 17:15 (GMT +4)
Bu ilin iyunun 1-dək 512 fermerə 5.2 milyon manat güzəştli mikrokredit verilib

03 İyun 2020, 17:01 (GMT +4)
Prezident İlham Əliyev Ağdamda “N” saylı hərbi hissədə olub

03 İyun 2020, 17:00 (GMT +4)
“Kapital Bank”da nağd pul krediti üzrə nağdlaşdırma komissiyası 0 faiz olub

03 İyun 2020, 16:43 (GMT +4)
Mərkəzi Elmi Kitabxana Azərbaycan diaspor könüllülərini təltif edib

03 İyun 2020, 16:41 (GMT +4)
Paşinyan Ermənistanda koronavirusla bağlı vəziyyəti fəlakət adlandırıb

03 İyun 2020, 16:38 (GMT +4)
Fələstində koronavirusa görə fövqəladə vəziyyət daha bir ay uzadılıb

03 İyun 2020, 16:16 (GMT +4)
Putin koronavirus peyvəndinə dair sammitdə iştirak etməyəcək

03 İyun 2020, 16:11 (GMT +4)
“SOCAR Polymer” yeni növ polimer istehsalına başlayıb

03 İyun 2020, 15:47 (GMT +4)
DİN: Həyətində narkotik bitkilər becərən şəxs tutulub

03 İyun 2020, 15:29 (GMT +4)
Ermənistanda COVID-19-a yoluxanların sayı 10 524-ə çatıb

03 İyun 2020, 15:29 (GMT +4)
“Tərtər” elektrik yarımstansiyası yenidənqurmadan sonra istismara verilib

03 İyun 2020, 15:14 (GMT +4)
Prezident İlham Əliyev yeni yolun açılışında iştirak edib

03 İyun 2020, 15:14 (GMT +4)
Liviya «Milli Razılıq Hökuməti» yüksək rəsmilərini Moskva və Ankaraya göndərir 

03 İyun 2020, 14:50 (GMT +4)
İlahiyyat İnstitutunda yay imtahan sessiyasının keçirilmə qaydaları açıqlanıb

03 İyun 2020, 14:40 (GMT +4)
AP: ABŞ-da etirazlar zamanı 9 mindən çox insan saxlanılıb

03 İyun 2020, 14:30 (GMT +4)
Mingəçevirdə silsilə oğurluq edən şəxs saxlanılıb

03 İyun 2020, 14:12 (GMT +4)
ABC: Nyu Yorkda atışma nəticəsində bir nəfər ölüb

03 İyun 2020, 14:05 (GMT +4)
Prezident İlham Əliyev Tərtərdə Dövlət Rəmzləri Muzeyinin açılışında iştirak edib

03 İyun 2020, 14:04 (GMT +4)
İranda koronavirusdan ölənlərin sayı səkkiz mini keçib

03 İyun 2020, 13:59 (GMT +4)
Tərtər Olimpiya İdman Kompleksinin açılışı olub

03 İyun 2020, 13:53 (GMT +4)
Abşerondakı bütün dəmir yolu stansiyalarında velosiped dayanacaqları olacaq

03 İyun 2020, 13:31 (GMT +4)
Türkiyədə təhlükəli terrorçu zərərsizləşdirilib

03 İyun 2020, 13:30 (GMT +4)
Gömrükçülər 545 kiloqram heroin aşkar edib

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66