Filippin prezidenti qətl etirafından sonra impiçmentlə təhdid olunub

Bakı, 15 dekabr, SalamNews, C.Nəzərov. Filippin prezidenti Rodriqo Duterte narkotik maddə ticarətində şübhəli bilinənləri şəxsən öldürdüyünü etiraf etməsindən sonra impiçmentlə üzləşə bilər.

Bu barədə SalamNews “Reuters” agentliyinə istinadən xəbər verir.

Bundan əvvəl Filippin rəhbəri Dabao şəhərinin meri olduğu zaman “qətl naminə görüş” axtarışında küçələrdə patrul çəkdiyini və bununla "hüquq-mühafizə orqanlarına nümunə göstərdiyini" bildirib.

“Bu, ictimai etibara xəyanətdir və özündə ağır cinayətlər ehtiva edir, belə ki, kütləvi qətllər ağır cinayətlərə aiddir. Ağır cinayətlər isə konstitusiyaya əsasən, impiçment üçün əsasdır.”, - agentlik senator Leyla da Limanın sözlərindən sitat gətirib.

Ölkənin ədliyyə naziri Vitaliano Aqirre R.Dutertenin etirafını “şişirtmə” adlandıraraq, bunun özlüyündə fikri çatdırmaq üçün hiperbola olduğunu söyləyib.