|
Belarusda Minsk şəhər məscidinin açılışı olub11 Noyabr 2016, 15:24 (GMT +4) Bakı, 11 noyabr, SalamNews, N.Ələkbər. Belarusda Minsk şəhər məscidinin açılışı olub.
SalamNews-un Rusiya mətbuatına istinadən verdiyi xəbərə görə, açılışı ölkədə səfərdə olan Türkiyə prezidenti Rəcəb Tayyib Ərdoğan və Belarusun dövlət başçısı Aleksandr Lukaşenko həyata ediblər.
Açılış mərasimində, həmçinin Türkiyə diyanət işləri başçısı Mehmet Görmez, dini və milli-mədəni ictimai birliklərin sədrləri, səfirlər və xarici qonaqlar iştirak ediblər.
Minskdə 1890-cı ildə inşa edilən məscid 1949-cu ildə bağlanılıb, 1962-ci ildə dağıdılıb. 54 il əvvəl Sovet rejimi tərəfindən sökülən Minsk şəhər məscidi Türkiyənin dəstəyi ilə yenidən inşa edilib.
İnşası Türkiyə Diyanət Vəqfi tərəfindən həyata keçirilən məsciddə eyni anda 2500 nəfər ibadət edə biləcək. Mehrabı və minbəri Ankarada düzəldilən məscid tatar memarlığının izlərini daşıyır, həmçinin Osmanlı və Səlcuq motivlərini əks etdirir.
|
RU
AZ
