Ukraynada 2017-ci ildə yaşayış minimumu və əməkhaqqı 2 dəfə artırılacaq

Bakı, 19 sentyabr, SalamNews, C.Nəzərov. 2017-ci ildə Ukraynada yaşayış minimumu və minimum əmək haqqı iki dəfə artırılacaq.

SalamNews-un RİA “Novosti”yə istinadla verdiyi xəbərə görə, bu barədə Ali Radanın (Ukrayna parlamenti) saytında təqdim edilən dövlət büdcəsi layihəsinin mətnində bildirilir.

Cari ildə Ukraynada sosial standartların növbəti yüksəlişi gözlənilir. Xüsusilə 2016-cı il dekabrın 1-dən minimum əmək haqqı 1,516 min qrivnidən 1,6 min qrivniyə (təxminən 64,5 dollar), yaşayış minimumu 1,399 min qrivnidən 1,544 min qrivniyə (təxminən 62,2 dollar), minimum təqaüd 1,074 min qrivnidən 1,13 min qrivniyə (təxminən 45,5 dollar) qaldırılacaq.
“2017-ci ildə bir nəfər üçün aylıq yaşayış minimumu həmin il yanvarın 1-dən etibarən 1,544 min qrivni (təxminən 62,2 dollar), mayın 1-dən 1,624 min qrivni (təxminən 65,5 dollar), dekabrın 1-dən 1,7 min qrivni (68,6 dollar) təyin edilsin.”, - layihədə deyilir.

Sənədə əsasən, minimum əməkhaqqı 2017-ci il mayın 1-dən 1,684 min qrivniyə (67,9 dollar), dekabrın 1-dən 1,762 qrivniyə (təxminən 71 dollar) qaldırılacaq.